Heilbrigt líf - 01.12.1941, Blaðsíða 72
tegund, sem menn geta lifað góðu lífi á til lengdar ein-
metis. Einna næst því kemst mjólkin, en þó mun enginn
lifa góðu lífi til lengdar á henni eingöngu, og á börnum
eru algengir sjúkdómar, sem stafa af einhæfri mjólkur-
neyzlu. Enginn mundi heldur lifa góðu lífi á heilhveiti
einu saman, því að það skortir öll fjörefni, nema Bi-fjör-
efni, og mundu því heilhveitiæturnar fljótlega fá skyrbjúg
og fleiri hörgulsjúkdóma, ef þær legðu sér ekki fleira til
munns. Sannleikurinn er sá, að það er um að gera, að fæð-
ið sé sem fjölbreyttast, svo að ein fæðutegunclin geti bætt
aðra upp. Sé þess gætt, er engin hætta á, að það komi að
sök, þótt ein fæðutegundin sé snauð að einhverju nauð-
synlegu næringarefni, önnur að öðru og hin þriðja að enn
öðru. Þær bæta hver aðra upp, svo að allt jafnar sig og
líkaminn fær það, sem hann þarf.
,,Fullkomnar“ og „ófullkomnar" fæðutegundir.
Það er að heyra á formælendum náttúrulækningatrúar-
innar, að það sé hreinasta goðgá að kalla hveiti og sykur
fullkomnar fæðutegundir. Já, ef með því væri átt við, að
þær væru fullnægjandi einar saman, en því hefir enginn
haldið fram, svo að þetta er út í hött. Þá væri líka sama
goðgáin að kalla eftirlætisfæðu náttúrulæknanna, heil-
hveitið, fullkomna fæðu — þótt unnt væri að geyma það
óskemmt stundinni lengur, en máske væri réttnefni að
kalla það „lifandi“ fæðu, þegar það væri orðið vel maðk-
að (sbr. ritstjórnargrein í einu merkasta læknatímariti á
Englandi, The Lancet, er próf. Guðm. Hannesson hefir birt
stuttan útdrátt úr í Læknablaðinu, 2. tbl. þ. á.). Enginn
hefir kallað hveiti eða sykur fullkomna fæðu í öðrum skiln-
ingi en þeim, að bæði eru ágætir orkugjafar og auðmeltir,
og í þeim skilningi fullkomin fæða, og það hefi auk heldur
bæði ég og aðrir tekið skýrt fram, er um þetta hefir ver-
ið rætt. Þessar fæðutegundir eru fullkomnar í sinni röð
176
Heilbrigt líf