Heilbrigt líf - 01.12.1941, Side 92

hann vera spámann, sem byggi yfir einhverjum undra-
krafti, og gæti læknað hvern einasta sjúkling. Læknislyf
hans var hvítur ostur, sem lagður var á auga sjúklinganna.
Foreldrar barns nokkurs, sem Weisenberg hafði gert
blint með læknisaðgerðum sínum, stefndu honum fyrir
rétt. I réttarrannsókninni kom í ljós, að Weisenberg hafði
ennfremur haft holdleg mök við margar konur, sem trúðu
á hann, og málið endaði með því, að Weisenberg var
dæmdur í margra ára fangelsisvist, og söfnuði hans var
tvístrað.
Christian Science, sem er upprunnið í Bandaríkjunum,
stendur mitt á milli læknisfræði og trúarbragða. Stofn-
andinn, Mary Baker Eddyl, fullyrðir, að yfirleitt sé eng-
inn sjúkdómur til. Sjúkdómar séu aðeins syndir, og því
aðeins hægt að lækna þá með bæn. Sjúkdómar, já jafnvel
dauðinn sjálfur, eru ekki til í raun og veru, en aðeins
ímyndun, blekking eða hugsunarvilla. Þess vegna notar
Christian Science engin læknislyf, og er mótfallið læknis-
hjálp, þar eð slíkt sé vottur um vantraust á handleiðslu
drottins.
Hér verður ekki rætt um hina trúarlegu hlið þessarar
kenningar, en aðeins drepið á nokkur atriði frá sjónar-
miði rökréttrar hugsunar vísindamanna og lækna: Ef all-
ir sjúkdómar eru aðeins hugarburður og hugsunarvilla,
hvernig á þá að skýra sjúkdóma nýfæddra barna og hvít-
voðunga, því þar er þó varla ímyndun til að dreifa? Geta
meiðsl af slysförum, skotsár, sem jafnvel leiða til dauða,
verið hugarburður einn? Hafa þeir, sem farast við loft-
árásir, dáið af ímyndun, eða eru þeir kannske alls ekki
dauðir? Hvað á að segja um sjúkdóma hjá dýrunum, þar
sem hvorki er hægt að tala um hugarburð eða synd? Það
er hægt að koma fram með margar aðrar röksemdir, en
þetta mun nægja.
Því verður ekki mótmælt, að hægt er að fá nokkurn
196 Heilbrigt líf