Andvari - 01.01.1930, Page 89

Andvari
Frærælttar- og kornyrkjutilraunir á íslandi.
85
stærra en fræ sömu tegundar, vaxið í Danmörku, og
það getur gróið eins vel, ef rétt er með það farið.
Má segja, að þetta hafi verið fyrstu rannsóknir á ís-
lenzkum fóðurgrösum, sem hafa tekið á málefni þessu
frá ræktunarsjónarmiði, og verður að telja frumvísi að
komandi innlendri frærækt, ef tilraunir og rannsóknir í
framtíðinni leiða það í ljós, að hún sé framkvæmanleg,
árviss og arðviss.
Þessum rannsóknum á íslenzku grasfræi er nú haldið
áfram á Sámsstöðuin í sambandi við grasfræræktunar-
tilraunirnar.
Til þess að unnt verði að láta íslenzka túnrækt fá
gott innlent grasfræ af tegundum og stofnum innan
tegundanna, eru auðvitað rannsóknir á þeim ekki ein-
hlítar; þess vegna er nú byrjað á grasfræræktunartilraun-
um. Þessum tilraunum, ásamt rannsóknum á fræinu ár
hvert, er skipt í ákveðna liði.
Fyrst eru kynbótatllraunir. Þær eru fólguar í úrvali
graseinstaklinga. Einstaklingseindin er lögð hér til grund-
vallar fyrir úrvalinu, þannig að fræ er ræktað í einstök-
um grösum, sem eru upp af einu fræi; er hér unnið
með mörg þúsund einstaklinga. Það fræ, sem kemur út
af beztu einstaklingunum, verður svo aukið og grund-
vallar fræræktina — frærækt af hreinum stofnum.
Verður ekki frekara rætt um það hér, hvernig tilraun-
wm þessum er hagað í einstökum atriðum, vegna þess
að eg hefi ritað um það allrækilega á öðrum stað.
Þessar tilraunir eru mjög seinlegar og taka langan
tíma, eins og allar kynbætur, því að það þarf mörg ár
til þess að prófa með samanburðartilraunum fræafkvæmi
úrvalseinstaklinganna, svo að vitað verði, hvort úrvalið
hefir fært manni nokkur þau verðmæti, sem stefnt
er að. Tilgangur kynbótanna er að finna þau fóðurgrös