Eimreiðin - 01.10.1923, Síða 27

eimreiðin VILH]ÁLMUR MORRIS 283
•Morris. Sir H. þótti þó allmerkur maður og læknir alkunnur.
Skáldið flutti með sér »lífhest« sinn, Mús; varð hryssan leik-
fang dætra hans á búgarðinúm Kelmscott, en varð snemma
draglöt af sællífi og andaðist úr offeiti. Ferðin heim gekk
þeim vel og alt fundu þeir félagar með heilu og höldnu. For-
sögumaður og forkólfur ferðarinnar var Eiríkur Magnússon,
eins og fyr var sagt. Attu þeir Morris stórmikið hvor öðrum
að þakka, enda áttu vel saman, því bæði var E. M. skörungur
mikill, skarpur og listhæfur, prýðisvel að sér í tungu og bók-
mentum Englands, en þar að auki glaðlyndur, ófeilinn og
fjörugur. Betri kennara og leiðtoga í íslenskum fræðum gat
Morris tæplega fundið, þegar á alt er litið. En mikill skaði
er það ef ekkert liggur eftir E. M. í letur fært um jafn mik-
inn og merkilegan félagsmann, sem hann átti þar sem Morris
var. Þegar M. kom heim gaf hann sig, auk annars, mjög við-
fagur-ritun bóka (á bókfell eða pappír); má sér í lagi geta
um Ijóðmá/asafn eftir sjálfan hann, er hann gaf í handriti konu
ástvinar síns Burne Jones; var bókin mesta völundarsmíði, og
þar næst annað handrit hans af Eyrbyggju — þýðing hans,
þó einungis rósastöfum prýtt, en ekki myndum. Þriðja lista-
verkið var Fitzgeralds þýðing af hinu fræga persneska
kvæði »Rúbáiyát« eftir Omar Khayyám. Þótti hann þar komast
hæst í bókritun og dráttlist. M. þýddi Eneasardrápu Virgils
og Hómers Ódysseifsdrápu og ritaði hvorttveggja meistaralega,
en það var löngu síðar að hann þýddi Ódysseifsdrápu. Sum-
staðar í ritum M. eru sumar myndirnar eftir Burne jones,
og sumar eftir aðra fleiri, því M. þótti fara best á að skyldir
meistarar legðu saman og skiftust til, því að þá yrði fjöl-
breytnin meiri og verkið fróðlegra og fjörlegra.
IX.
Morrisar siðari ferð til Islands.
M. heimsólti ísland annað sinn sumarið 1873. En um þá
ferð er fátt ritað, enda mun hann þá ekki hafa haldið dag-
bók né ritað ferðasögu. Er svo að sjá, að ferð sú hafi verið að
einhverju leyti dauflegri en hin fyrri, var og ekki Eiríkur þá
í förinni. Er ekki annara getið en Faulkners og fornfræðings