Eimreiðin - 01.10.1923, Side 104

360
STÚDENTALÍF Á GARÐI
eimreiðin:
og svo auðvitað margar nýrri. Skjalasafn gamalt er á Garði,.
og er safnað þangað öllum bréfum, skjölum og skrifum, sem
eitthvað koma við Garð og lífið þar. Er þar margan fróðleik
að finna. Þar eru geymdir hinir alræmdu, eða kannske heldur
víðfrægu »Nekrólógprótókollar«, sem hafa inni að halda eins-
konar eftirmæli eftir stúdenta, þegar þeir »deyja«, það er að'
segja, flytja út af Garði. Þar er mönnunum lýst eins vel og
hægt er, sagt frá útliti, lyndiseinkunnum, gáfnafari, námi,.
stjórnmálaskoðunum o. fl.. Til þess að skrifa þessi eftirmæli,.
eru valdir góðir menn og ritfærir, og þess er gætt vandlega,.
að enginn fái að skrifa um vin sinn eða óvin. Dómnefnd les
svo eftirmælin og breytir þeim, ef henni finst ástæða til.
Þó alt sé gert til þess að gera eftirmælin sem óhlutdræg-
ust, þá eru þau svo úr garði gerð, að best er að birta þau
ekki fyr en seint og síðar meir. Samt ætla eg að segja frá
einstaka athugunum, sem koma við íslenskum stúdentum. Er
það fyrst að segja, að síðan 1848 hafa þeir nálega allir verið
vinstrimenn. Um tvo merka menn er þess getið, að þeir hafí
verið hægrimenn, »sem Islendingar eru ekki vanir að vera«.
Tvívegis á sama tíma er getið um Islendinga, sem væru
stakir bindindismenn. Þykja það firn og fádæmi. Þá er þess
oft getið, einkum fyrir 1900, að íslendingar hafi lifað út af
fyrir sig, og lítið umgengist Dani. »Han deltog ikke i Re-
genslivet«, er algeng setning um íslenska stúdenta á fyrri
tímum. Þó hafa sumir Landar á þessum tímum haft sig mikið
í frammi og hlotið almenningsvinsældir. Frægastir hafa víst:
orðið þeir Stefán Stefánsson skólameistari, Klemens Jónsson.
ráðherra, sem varð hringjari, og »Túlli« (Axel Tulinius). Um
þessa menn er þess getið, að þeir voru fram úr skarandi góðir
»Garðbúar«, hver á sinn hátt, og kunnu óvanalega vel að'
umgangast bæði danska og íslenska stúdenta.
Fastheldni við fornar venjur kemur fram í mataræði Garð-
búa. Það þykir sjálfsagt, að þeir búi til mat sinn sjálfir, þó'
hægt sé að fá betri mat jafnódýrt úti í bæ. Sextán eldhús-
með gasvélum voru á Garði, og þar elduðu menn. Mátti þar
sjá kátlegar aðferðir við matreiðslu. Þannig var algengt að'
búa til á morgnana nægilegt kaffi til dagsins og setja svo'
könnuna yfir eldinn í hvert sinn, sem maður vildi fá kafft