Árbók Háskóla Íslands - 02.01.1920, Qupperneq 83

75
einum stað i 1. Enoksbók1) er gert ráð fyrir því, að þessir
kærendur mannanna geti birst á himnum; er það líkt skoð-
uninni á Satan i Jobsbók.
Itarlegast er sagt frá þessum illu verum í 69. kap. 1. En-
oksbókar:
»69 2 Og sjá nú nöfn þessara engla. ... 4 Hinn fyrsti
heitir Jeqon, það er sá, sem afvegaleiddi syni guðs, og fór
með þá niður til jarðarinnar og afvegaleiddi þá með dætr-
um mannanna. 6 Og hinn annar var nefndur Asbeel. Hann
gaf hinum heilögu sonum guðs ill ráð, og afvegaleiddi þá,
svo að þeir saurguðu líkami sina með dætrum mannanna.
6 Og hinn þriðji var nefndur Gadreel. Hann er sá, sem
sýndi mannanna börnum allskonar banahögg, og hann af-
vegaleiddi Evu, og sýndi skildi og brynjur og sverð til að
berjast með og yfirleitt öll morðvopn börnum mannanna.
7 Og af hans hendi hafa þau (vopnin) út gengið gegn þeim,
sem á jörðu búa frá þeim degi og til eilífðar. 8 Og hinn
fjórði var nefndur Penemue. Hann kendi börnum mann-
anna beiskt og sætt, og hann kendi þeim alla leyndardóma
speki þeirra. 9 Og hann kendi mannkyninu að skrifa með
bleki og pappir, og með því syndgaði margur frá eilífð til
eilífðar alt til þessa dags. 1(1 Því að mennirnir voru ekki
skapaðir í slikum tilgangi, til þess að gefa staðfestingu góðri
trú sinni með penna og bleki. 11 Því að mennirnir voru
skapaðir nákvæmlega eins og englarnir, til þess að þeir
hjeldu áfram að vera hreinir og rjettlálir, og dauðinn, sem
eyðir öllu, hefði ekki náð taki á þeim, en fyrir þessa þekk-
ingu sina farast þeir, og fyrir þetta vald etur dauðinn (þá).
12 Og hinn fimti var nefndur Kasdeja. Það er hann, sem
kendi börnum mannanna öll hin óguðlegu dráp anda og
demóna, og dráp fóstursins i móðurlífi, svo að það fari
burt, og bit höggormsins, og þau dráp, sem hádegishitinn
veldur, son höggormsins, sem er nefndur Tabaet.
1 erfðaskránum er lika talað um Satan, foringja illu and-
anna, og hann þar oft nefndur Belíar. — —
í 2. Barúksbók er öll synd og eymd og böl þar á móti
rakið til Adams og eignað falli hans. Sama skoðunin kemur
fram í 2. Enoksbók2), en því er lýst nánar i 2. Barúksbók.
Þar er nafn Adams talið ímynd myrkravaldsins:
1) 40, 7. (Sjá bls. 56).
2) t. d. 41, 1.
/