Ritið : tímarit Hugvísindastofnunar - 01.01.2010, Blaðsíða 52
VALDiMAR TR. HAFSTEin
52
Kanslarinn bíður með mikilli eftirvæntingu eftir kvæðunum sem
ég skrifaði þér nýlega um sem og eftir Skjöldungasögum. Gættu
þess endilega að hann fái með þinni aðstoð ósk sína uppfyllta. Ef
þú veitir honum það mun velgjörðarmaður þinn standa í þakk-
arskuld við þig. Lifðu heill.83
Í ágúst sama ár sendir Arngrímur svar með haustskipi, og vísar til fyrra
bréfs sem hafði þá ekki komist til skila: „Ég er líka búinn að svara fyrir-
spurninni um Skjöldungakvæðin: Eftir því sem ég kemst næst hefur þeirra
ekki einu sinni heyrst getið hér.“84 Þó hélt Arngrímur þeim áfram volgum
í voninni um að hægt væri að hafa upp á þessum kvæðum í munnlegri hefð,
sem í bréfi Arngríms tekur á sig mynd gamallar konu á grafarbakkanum í
afviknasta plássinu á þessari úthafseyju:
nýlega heyrði ég hins vegar að á vorum fjarlægustu ströndum
hafi búið margfróð gömul kona, sem ekki hafi verið fákunnandi
um svona fornfræði. Og ef hún er enn á lífi þá geri ég út sendi-
boða, og það skáld, sem getur spurt hana um þess háttar hluti,
þó að tímaskortur hafi enn ekki heimilað mér það. Helst kysi ég
að fá eiginhandaruppskrift af kvæðinu senda til mín.85
Í júní árið eftir svarar Worm því til að „nú væntum við einhvers frá gömlu
konunni þinni...“.86 Hún kemur þó ekki frekar við sögu í þeirra bréfaskipt-
83 „Cantilenas de qvibus nuper scripsi ut et Scioldungicas narrationes avidè expectat
Cancellarius, fac igitur voti per te ut reddatur compos. Patronum singulariter tibi
hoc officio demereberis. Vale“, Ole Worm, Ole Worm’s correspondence with
Icelanders, bls. 26–27, (bréf 13); Ole Worm, Breve fra og til Ole Worm, i. bindi, bls.
260.
84 „Jam de Skiølldungorum Rithmis etiam respondi; eos hic qvod scire adhuc possim,
ne qvidem fando auditos esse“, Ole Worm, Ole Worm’s correspondence with
Icelanders, bls. 29, (bréf 15); Ole Worm, Breve fra og til Ole Worm, i. bindi, bls.
268.
85 „Se nuperrimè audivi vixisse in remotissimis nostris oris anum qvandam, hujus-
modi antiqvitatum non ignaram. Ea si adhuc vivat, mittam nuncium, eumqve
poëtam, qvi talia ab ipsa percontetur; qvod hactenus per temporis angustiam
minimè omnium fieri potuit. Optassem istorum Carminum exemplar ac in primis
avtographum ad me missum fuisse“, Ole Worm, Ole Worm’s correspondence with
Icelanders, bls. 29, (bréf 15); Ole Worm, Breve fra og til Ole Worm, i. bindi, bls.
268.
86 „Ab Anu tua jam qvædam exspectamus...“, Ole Worm, Ole Worm’s correspondence
with Icelanders, bls. 33, (bréf 16); Páll Eggert Ólason, Menn og menntir siðskiptaald-
arinnar á Íslandi, iV. bindi, bls. 216.