Skírnir - 01.01.1967, Síða 146

144
Ritfregnir
Skímir
Enn er eftir að prenta tvö bindi dómaskránna, hið annað og hið fjórða.
Mun þar mörgum aufúsa á vera, að þau komi brátt á prent.
Margur lagamaður mun sakna skrár yfir dómasafn yfirdóms frá 1874
—1919. Dómasafn yfirdóms var, sem kunnugt er, ó þeim tíma prentað
nokkurn veginn reglulega. Hins vegar voru efnisyfirlit lengst af mjög fá-
orð, svo að verkið varð lítt aðgengilegt fræðimönnum. Þó er nú alllangt
síðan gert var ítarlegt yfirlit yfir það dómasafn, en eigi hafa þær dóma-
skrár verið prentaðar. Mó þannig dómasafn yfirdóms yfir þetta merkilega
timabil enn í dag heita lokuð bók þeim, er fýsa kynni þar fróðleiks að leita.
G. A. S.
Síinon Jóli. Ágústsson: Sáhirfræði. Hlaðbúð. Reykjavik 1967 (653
bls.).
Ójiarft mun að fara mörgum orðum um prófessor Símon Jóh. Ágústs-
sno, svo kunnur sem liann er af ritstörfum sinum um hin margvíslegu
efni, sálfræðileg, uppeldisleg og félagsleg. Einnig má minna á, að enginn
kennari við Háskóla Islands mun hafa kennt fleiri nemendum til prófs
þar er hann, og leitun mun ó þeirri fræðibók íslenzkri, sem átt hefur sér
jafnstóran lesendahóp og rit það, sem er uppistaða í kennslu hans í for-
spjallsvísindum og nú er komið út, aukið og endurbætt, undir nafninu
Sálarfræði.
Hin nýja bók prófessors Simonar „er í senn ný bók og gömul“, eins og
segir í formála. Hún kom fyrst út 1945 undir nafninu Mannþekking, síð-
an endurskoðuð og aukin árið 1956 undir nafninu Hagnýt sálarfræði, og
nú hefur hún enn gengið í gegnum hreinsunareld höfundar.
Allar fjalla þær um sálarfræði, og í inngangsriti að sálarfræði fléttast
óumflýjanlega hin fræðilegu og hagnýtu svið saman. Nafn þessarar síð-
ustu bókar er þvi að mínu viti sýnu bezt, því að í því kemur fram um-
búðalaust, um hvað bókin fjallar.
Sálarfræði er fyrst og fremst ætluð sem kennslubók, raunar eina
kennslubókin á islenzku um almenna sálarfræði, sem nú er í notkun. Hún
á því mikinn þátt í því, hver verða kynni íslenzkra lesenda af þessari ungu
vísindagrein. Á höfundi hvílir sú ábyrgð að firra lesandann þeim rang-
hugmyndum, sem hann kann að hafa um sálarfræði og gera efninu þau
skil, að það bæði veki óhuga og sé skemmtilegt, en jafnframt fræðilegt,
hlutlægt og yfirgripsmikið. Höfundi er því mikill vandi á höndum, og skal
því engan undra, þótt ekki séu allir ó eitt sáttir um, hvernig til hafi tekizt.
Sem bók er Sálarfræði ákaflega óaðlaðandi við fyrstu sýn. Þetta er
þykkur doðrantur, og þegar bókinni er flett, er fátt, sem gleður augað. Á
653 blaðsíðum bókarinnar eru aðeins 33 myndir eða ein mynd á hverjar
20 síður, flestar smóar táknmyndir eða uppdrættir. Það kann að þykja
barnaskapur að kvarta um skort á skreytingum í bók fræðilegs efnis, en
þó tel ég, að flestir geri sér grein fyrir hinu mikla gildi þeirra til að
gera bókina þægilega í lestri og vekja jafnframt áhuga lesenda á efninu