Skírnir - 01.01.1977, Qupperneq 65

SKIRNIR
MENNINGARSÖGULEG DÆMI
63
hámarki er Cú Chulainn berst við fósturbróður sinn Fer Diad.
The Destruction of Da Derga’s Hostel sýnir að harmleikurinn
magnast við að onaire fellur fyrir vopnum fósturbræðra sinna.)5
Fósturbræðraminnið er algengt í hinum fornu sögum írlands.
Eins og áður er að vikið bendir ýmislegt til að víg Höskulds
Hvítanessgoða hafi verið sérstaks eðlis. Sagan segir að það hafi
spurst um allar sveitir og hvarvetna mælst illa fyrir. Þegar Flosi
fréttir hvernig menn taka víginu segir hann að þeim Njálsson-
um verði þá illt til liðveislu manna. Liðsbón Njálssona og Ás-
gríms Elliðagrímssonar á þingi ber líka lítinn árangur. Á þess-
ari göngu milli búða minnast allir höfðingjar sem heimsóttir
eru á gæfuleysi Skarphéðins og Snorri goði segir m.a.s. að Skarp-
héðinn muni eiga skammt eftir sinnar ævi. Þannig svara þeir
óbeint hvers vegna þeir synja sonum Njáls á Bergþórshvoli um
liðsinni. Skarphéðinn segir líka að hann hljóti ámæli af víg-
inu og sé það vorkunn. Þorkell hákur er sjálfum sér samkvæm-
ur og skýrir umbúðalaust frá því sem býr undir svörum hinna.
Þegar leitað er til hans og hann hefur fregnað að Guðmundur
ríki hafi synjað þeim fylgis um eftirmálin segir hann: „Þá þótti
Guðmundi óvinsælt málit, ok mun svá vera, því at slik hafa
verk verst verit unnin (auðkennt af NÓ). Ok veit ek, hvat þér
hefir til gengit liingat at fara: at þú ætlaðir, at ek mynda óhlut-
vandari en Guðmundr ok mynda ek fylgja at rqngu máli.“ (Auð-
kennt af NÓ). Þ.e. mál Njálssona er rangt mál og vígið hið versta
verk sem unnið er. Svona er það að áliti samfélagsins. Hitt kem-
ur ekki því máli við sem hér er rætt að Guðmundi ríka snerist
hugur og veitti Njáli stuðning, en það var ekki vegna þess að
málið hefði breyst að hans mati — og stuðningurinn kom líka
að engu haldi. Hér lætur Njáluhöfundur snöggleiftra um innra
mann Guðmundar ríka.
Njáll hafði alltaf búist við að þungt yrði fyrir fæti í máli
þessu og þó að sagan láti hann vita hver örlög þeim öllum eru
búin, þá leitar hann eftir að ná sáttum fyrir liönd sona sinna.
Það er hin síðasta örvæntingartilraun sem allir hefðu reynt í
hans sporum.
Hlutur Flosa sem hefur á hendi framkvæmdavaldið fyrir Sig-
fússonu og ætt sína fyllir út í það sem á vantar myndina. Þegar