Skírnir - 01.01.1977, Qupperneq 86

84 SVEINN SKORRI HÖSKULDSSON SKIRNIR
Limafjörð vestanverðan. Skrifaði hann Jeppe Aakjær 19. jan.
frá 0rum í Fjends-lréraði og aftur frá Rpnbjærg í Ginding-
héraði 30. jan. Af þessum bréfum sést að hann hefur heimsótt
Aakjæi á Jenle 31. jan. og ráðgerir þá að sýna honum ljósmyndir
frá íslandi.21
Ekki liggur fyrir hvort þessar fyrirlestrarferðir gerðu miklu
betur en í blóðið sitt fjárhagslega og þær töfðu frá öðrum rit-
störfum þótt í þeim væri tilbreytni.
Nú hafa miðsvetrardægrin orðið Gunnari þung fjárhagslega.
Hann fékk eins og fyrr sagði færri verk en áður birt í blöðum
og tímaritum og stærri áform fóru einnig út um þúfur. Þannig
skrifar bókmenntaráðunautur Gyldendals 17. jan. 1911 álits-
gjörð um innsent smásagnasafn eftir Gunnar og ræður frá út-
gáfu þess.22 Fleira varð og Gunnari mótdrægt um þessar mundir.
Augnveiki, sem hann hafði kennt í Askov,23 tók sig upp svo að
hann varð óverkfær um tíma.24
Það hefur væntanlega verið á útmánuðum 1911 að Gunnar
skrifaði móðurafa sínum, Þórarni Hálfdanarsyni á Bakka, beiðni
urn fjárstuðning.25 Og í fyllingu tímans barst honum eftirfar-
andi svar:
Bakka 11 apríl 1911
Kæri Gunnar minn
Eg fekk brefið frá þér nú í morgun og vil ekki draga þig á svari svo
mikla peninga sem þú talar um er mér ekki hægt að hjálpa þér um en ef
eg lifi til í haust þá langar mig að senda þér eitt hvað fyr gét eg það ekki
Eg er nú komin á níræðis aldur og farinn að bila með heilsu og Amma þín
líka svo við verðurn að fara á mis við æði mart og þurfum að fá hjálp hjá
öðrum þó ekki sé það peningar já góði Gunnar minn eg vona þú misvirðir
það ekki við mig þó að eg geti ekki hjalpað þér en eg sendi þér eitthvað
i haust fyr er það ekki hægt,
Hvernig væri nú fyrir þig að reina að fá Bornholmara til að koma speko-
lants tura hingað í sumar gætir þú ekki haft goða at vinnu við það og
gott kaup og ef þetta irði þá ættir þú að láta mig vita fyrir fram nær þið
kjæmuð svo svo [sic] eg gæti verið búinn að utvega kaupendur Það væri
best að koma her átta eða níu vikur af sumri, Það er líka góð atvinna við
að ferðast með utlendum auðmönnum hér á sumrin og mikil laun Norður
á Melrakka slettu er forn manna dis sem er gaman að skoða kondu helst
snemma í j[ú]ní ef þú verður að fylgja útlendingum því það á lít eg að þú
hafir gott uppur