Skírnir - 01.01.1977, Blaðsíða 154
152
ÞÓRHALLUR VILMUNDARSON
SKÍRNIR
ceteræque gentes insularum, quæ inter occidentem et septentrio-
nem sitæ sunt« (Danir, Norðmenn, Gotar og aðrar eyþjóðir,
sem byggja löndin milli vesturs og norðurs).88 Krossfarar gengu
upp til grafar Jakobs postula í Compostela, aðstoðuðu konung
Portúgals í ófriði hans við Mára89 og tóku þátt í hinu fræga
umsátri um Akursborg 1189—91.90 Ekki er getið þátttöku ís-
lendinga í þessari krossferð í íslenzkum heimildum, en í ítölsku
riti, sem reyndar þykir ótraust heimild, er talinn meðal fylgdar-
manna Ríkharðs Ijónshjarta »il conte ... d’Islanda*.91
Næst er þess að geta, að árið 1210 eða 1211 — og er þá komið
fram á daga Ólafs chaims — sigldu tengdasynir Magnúss konungs
Erlingssonar, Hreiðar sendimaður úr Vík austur og Pétur steyp-
ir úr Færeyjum, systursonur Sverris konungs, austur til Jórsala-
heims sömu leið og Sigurður Jórsalafari á tveimur stórskipum,
drómundi Hreiðars og Ógnarbrandi Péturs. Þeir Hreiðar og
Pétur og eiginkonur þeirra létust í ferðinni, en margir leið-
angursmanna áttu afturkvæmt.92 Mjög verður að telja líklegt,
að íslendingar hafi tekið þátt í þessum leiðangri. í íslendinga
sögu Sturlu Þórðarsonar segir, að Oddur Álason á Söndum í
Dýrafirði, tengdasonur Hrafns Sveinbjarnarsonar, hafi komið
árið 1233 með sveit manna »í Vatnsfjörð at boði Órækju [Snorra-
sonar] ok váru þar í allmiklum kærleikum ok gáfust gjöfum. Þá
var gefit sverðit Steypir, er átt hafði Pétr steypir.“93 Sennilegast
er, að íslendingur í liði Péturs steypis hafi haft hingað út með
sér sverð hans. Svo vill til, að í sama riti er þess getið, að 1242
hafi komið að vestan til Eyjafjarðar á fund Kolbeins unga
»Skeggi ór Alviðru [í Dýrafirði] ok Jórsala-Bjarni, mágr hans«.94
Bjarni hefur því sennilega verið sveitungi Odds Álasonar, og
má vera, að hér sé kominn maðurinn, sem út hafði sverðið
Steypi frá Jórsölum. Enn er þess að geta, að árið 1226 undirrit-
ar Jórsala-Björn sem vitni máldaga um osttoll Viðeyjarklaust-
urs.95 Þar kann að vera enn einn leiðangursmanna úr för þeirra
Hreiðars, nema hér kunni að hafa orðið misritun og allt sé einn
maður, svo sem Guðbrandur Vigfússon virðist telja og E. H.
Lind ætlar, að vel sé hugsanlegt.96
Á kirkjuþinginu mikla í Lateran 1215 var ákveðið að hefja
fimmtu krossferð frá Sikiley eða Apúlíu 1. júní 1217.97 Við