Heilbrigt líf - 01.12.1941, Side 79

batnaðar. Hafa þær vegið að miklu eða öllu leyti móti
þeirri afturför, sem flóttinn úr sveitunum hefir valdið á
sumum sviðum, og meira en það á öðrum.
2) Vinnubrögðin voru að því leyti hollari fyrr, að meira
af störfunum var unnið í ryklausu og heilnæmu útilofti,
en minna um kyrrsetuvinnu, a. m. k. sumar, vor og haust.
Á hinn bóginn var vinnan einatt of erfið, vinnutíminn
óhæfilega langur og svefn oft af skornum skammti. Veg-
ur þetta nokkuð hvað á móti öðru, svo að erfitt er að full-
yrða, hvort meira hefir mátt sín, kostirnir eða gallarnir.
Hitt er víst, að mikið má bæta úr þeim göllum, sem kyrr-
setur við innivinnu hafa í för með sér nú á dögum, með
því að nota frístundirnar, sem eru ólíkt fleiri nú en áður,
til útivistar, göngufara og íþróttaiðkana, enda er svo fyr-
ir að þakka, að allt slíkt hefir færzt stórkostlega í vöxt
meðal bæjafólks hin síðustu ár. Má gera sér góða von um,
að þetta geti vegið upp á móti ókostum kyrrsetuvinnunn-
ar, og meira til, er stundir líða.
3) Fatnaður, einkum vinnufatnaður, hafði áður ýmsa
galla, sem nú hafa lagazt, en á hinn bóginn fer því fjarri,
að nútíma fatnaður sé gallalaus né ætíð notaður rétt. Má
t. d. nefna það, hve sumum er gjarnt til þess að dúða börn
og unglinga um skör fram og hve sumt af fatnaði kvenna
er skjóllítið, en einkanlega það, að of fáir temja sér að
haga klæðnaðinum eftir veðri. Verður ekkert fullyrt um,
hvorir gallarnir eru þyngri á metunum, líklega áhöld um.
4) Breytingarnar á húsakynnum eru tvímælalaust yfir-
leitt til hollustu og fallnar til að fækka sjúkdómum og
kvillum, nema að því leyti, sem hin heilsuspillandi híbýli
hafa stuðlað að því ásamt ungbarnadauða og bráðum fai'-
sóttum að útrýma þeim, sem veilir voru, og sama er að
segja um
5) þær breytingar, sem orðið hafa á hreinlæti.
6) Næst húsakynnum og hreinlæti hafa einna mestar
Heilbrigt líf
183