Heilbrigt líf - 01.12.1941, Page 80

breytingar orðið á mataræðinu. Þótt viðurværi almenn-
ings sé enn sjálfsagt nokkuð misjafnt, og standi vafalaust
til bóta í mörgu, þá er enginn vafi á því, að það er meira,
fjölbreyttara og hollara í flestum greinum og fullnægir
betur næringarþörfinni en áður gerðist. Um það þarf ekki
frekari vitna við en þess, að hörgulsjúkdómar mega nú
heita óþekktir í samanburði við það, sem var, og að á hinn
bóginn hafa engin nýtileg rök verið færð fyrir því, að
neinn þeirra sjúkdóma, sem sumir hafa kennt mataræð-
inu nú um, sé því að kenna, nema ef til vill tannsjúkdóm-
ar að einhverju leyti. Niðurstaðan verður því sú, að þær
breytingar, sem orðið hafa á mataræðinu, hafa stuðlað
að fækkun sjúkdóma, en ekki fjölgun þeirra.
7) Því fer fjarri, að af því að þeim hefir fjölgað, sem
læknis leita nú, frá því sem áður var, sé rétt að álykta, að
sjúkdómum og sjúklingum hafi fjölgað að sama skapi,
því að stórfelld fjölgun lækna, bættar samgöngur, og víða
minni kostnaður við læknisvitjanir, eru meir en nægileg
til að skýra það, hve miklu fleiri leita nú læknis en áður.
8) Það eina, sem ég fæ séð að líkur séu til, að geti vald-
ið verulegu um það, að gera þá kynslóð, sem alizt hefir
upp á þessari öld, óhraustari og kvillasamari en fyrri kyn-
slóðir, er þverrun ungbarnadauða og bráðra farsótta, þótt
ótrúlegt megi það virðast í fljótu bragði. Og náttúrlega
er það rangt, að þessi þverrun hafi valdið fjölgun sjúk-
dóma, því að það voru heldur en ekki sjúkdómar, sem ollu
því, að ungbörnin hrundu niður eins og flugur, og flestir
munu telja bráðar farsóttir með sjúkdómum, þótt sumir
hafi ekki hátt um fækkun þeirra og láti sem hún komi ekki
málinu við, þegar þeir eru að telja sér og öðrum trú um,
að sjúkdómum hafi fjölgað. Náttúrlega hefir þessum sjúk-
dómum fækkað. En á hinn bóginn er það varla efamál,
að þrátt fyrir það, eða réttara sagt, einmitt vegna þess,
hvílíkan geysi-usla þessir sjúkdómar gerðu, hefir það gott
184
Heilbrigt líf