Heilbrigt líf - 01.12.1941, Page 102

„og fíkn í ónáttúrleg æsingalyf og óhollar nautnir og skemmtanir".
Enda segir höf., að það megi heita „loku fyrir það skotið, að barátt-
an gegn kaffi, tóbaki og' víni beri verulegan árangur, meðan það
viðgengst, að hreinsaði sykurinn sé ein aðalfæðutegund vor“ (bls.
59). Þetta er þýðingarmikill lærdómur fyrir góðtemplara og aðra
bindindisfrömuði, sem til þessa hafa eytt tíma og orku í það að elt-
ast við áfengið, í stað þess að hefja sókn gegn höfuðóvininum,
sykrinum, því að, „að ósi skal á stemma“.
Já, það má með sanni segja, að líf þeirra, sem leggja sér sykur
til munns, sé „háski og böl“ o. s. frv. Og það er ekki að ófyrirsynju,
að höf. heimfærir á dauðhvíta sykurinn þessi orð: „Jafnskjótt og
þú etur af því, skalt þú vissulega deyja“ (bls. 20). Og hvílíkur dauð-
dagi, byrjar á harðlífi og endar á krabba! En hvað tekur svo við
hinum megin? Þar mun kuldaleg heimkoman, því að hvíti sykurinn
leiðir þig burtu frá sólríku jarðlífi og þangað, „sem sól vor er hætt
að skína“ (niðurlagsorð bls. 71).
Allt þetta um sjúkdóma og dauða af völdum sykursins er höf-
undinum svo augljóst mál, að hann þarf ekki að grípa til heilbrigðis-
skýrslna eða annarra tölulegra heimilda (statistik). Þó grípur hann
til þess í sambandi við sykursýkina, til þess að taka af allan efa
um orsakir hennar. Og taki menn nú eftir: í Bandaríkjunum er
sykurneyzla meiri en i nokkru öðru landi, enda deyja þar árlega
hvorki meira né minna en yfir 5 milljónir manna úr sykursýki (bls.
20). Jafnvel hvítvoðungarnir hrynja niður úr sykursýki, því að árið
1933, sem tekið er til dæmis, dóu um 20 af hverjum 1000 nýfæddra
úr sykursýki! (Það svarar til meira en helmings alls ungbarna-
dauðans hér á landi.) Mikill má manndauðinn allur vera þar í landi,
því að þrátt fyrir þetta var (skv. upplýsingum höf., bls. 29) sykur-
sýkin ekki nema 9. alg'engasta dánarorsökin (að vísu árið 1930, en
hinar tölurnar virðast miðaðar við 1933). Höf. getur þess ekki, hve
mikill heildarmanndauðinn hafi verið í Bandaríkjunum, en í al-
þjóðaskýrslum um farsóttir o. fl. má sjá, að hann hefir síðustu árin
verið um 11%0, eða nánar til tekið árið 1933 10,7%o. Nú er ibúatala
Bandai'íkjanna tæpl. 130 milljónir. Alls hafa þar því dáið, árið 1933,
tæpl. 1,4 milljónir manna og þar af yfir 5 milljónir úr sykursýkinni
einni, sem þó var aðeins sú 9. í röðinni af dánarorsökunum! Það
er rétt að geta þess, að hér er ekki prentvillu um að kenna í „Sann-
leikanum". (I skýrslum Þjóðabandalagsins (Rapport epidemiologique
annuel 1937) sést, að árin 1936 og 1937 hafa dáið að meðaltali 23.7
206
Heilbrigt líf