Heilbrigt líf - 01.12.1941, Qupperneq 113

b) Sjúkraflutningar.
1. Bifreiðar R. K. í. fluttu á árinu alls 1107 sjúkl., þar af 90
utanbæjar. Níu slasaðir menn voru fluttir ókeypis. Eins og
getið er um í siðustu skýrslu, hafði stjórn R. K. í. farið
fram á, að Reykjavíkurbær felldi niður starfrækslugjald fyrir
bifreiðar R. K. í., þar eð hann styrkir starfsemi R. K. í. ekkert
á annan hátt. En félagið starfar mikið í þágu bæjarfélagsins,
og það að langmestu leyti í sjálfboðavinnu. A fundi framkvæmda-
nefndar 1./9. 1940 var Sig. Sig., berklayfirlækni, og Birni E. Árna-
syni, lögfræðingi, falið að ræða málið að nýju við borgarstjóra.
Fullnaðarniðurstaða er ókomin, en R. K. í. heldur enn sömu flutn-
ingsgjöldum og voru fyrir stríð. Takist ekki samningar, verður
R. K. í'. neyddur til að hækka flutningsgjöldin mikið.
2. Sjúkrasleðar. í síðustu skýrslu er frá því skýrt, að ekki tókst
að fá fyrirmyndar sjúkrasleða frá Sviþjóð. Stjórn R. K. í. heimil-
aði að láta gera tilraun með sjúkrasleða, er einn stjórnarmaður
gerði tillögu um, og ákvað að kenna við R. K. I., ef vel reyndist.
Þessi sjúkrasleði er skíðasleði, eða öllu heldur sjúkrabörur úr létt-
um stálpípum, festar á sterk stökkskíði, þannig að auðvelt er að
losa þær af skíðunum, ef betur þykir henta að bera sjúklinginn,
eða, ef setja skal börurnar í sjúkrabíl. Þarf því ekki að hrófla við
sjúklingnum frá því að um hann er búið á börunum, unz hann er
kominn inn á spítalann, og er það ómetanlegur kostur.
Böi’urnar eru nokkuð dýrar, en þó sá stjórn R. K. I. sér fært
að heita á skíðamenn landsins á öskudaginn að gefa skíðafélögun-
um 4 börur á ári fyrst um sinn, og skyldi hlutkesti ráða. Með skíða-
fólkinu um páskana voru sendir sleðar til Rauða Kross deildanna
á Akureyri, ísafirði og Siglufirði, til þess að þær ráðstöfuðu þeim
til þeirra félaga á staðnum, sem mest þyrftu þeirra með. Einn sleði
var með sömu ummælum afhentur í. S. I. fyrir Reykjavík.
3. Sjúkrakassar voru útbúnir með mesta móti á árinu. Fyrst voru
útbúnir 6 forláta kassar fyrir ,,eldlínulækna“, og stórir kassar fyrir
stærri hjálparstöðvarnar utan spitalanna. Þá voru útbúnar 30 um-
búðatöskur fyrir skátasveitirnar og loks smáir lyfja- og umbúða-
kassar fyrir sumarheimili Reykjavíkurbarnanna. í smíðum eru
lyfja- og umbúðasjúkrakassar í flugvélarnar íslenzku. Þetta kostar
allt mikið, en hefði getað hlaupið upp í margfalda upphæð, ef ekki
hefði verið jafnan gætt mestu hagsýni í innkaupum.
Heilbrigt líf
217