Heilbrigt líf - 01.12.1941, Síða 117

Stærð Unga íslands árið 1940 var 10 arkir. Af Unga íslandi komu
út á árinu 10 tölublöð.
9. Notkun R. K. merkis.
Samþykkt um það verður birt í næsta hefti Heilbr. lífs.
10. R. K.-deild Akureyrar.
Prá Guðm. K. Péturssyni formanni.
Starfsemi deildarinnar var með líku sniði og undanfarin ár.
Deildin hafði í þjónustu sinni sömu hjúkrunarkonu og áður til
ágústmánaðar, en þá fékk hún frí frá störfum um óákveðinn tíma,
og kom í hennar stað ungfrú Inga Sigurjónsdóttir, hjúkrunarkona.
Hjúkrunarkonan starfaði eins og áður við berklavarnarstöð Akur-
eyrar og hafði daglegt eftirlit með barnaskóla Akureyrar og að-
stoðaði skólalækninn við skoðanir. Þá stundaði hún einnig hjúkrun
í bænum eftir því, sem þörf krafði. Fór hún alls í 138 vitjanir og
var það miklu minna en undanfarin ár. Af þessum vitjunum voru
40 heilar næturvaktir hjá þungt höldnum sjúklingum.
Sjúkraflutninga annaðist deildin, eins og áður, um bæinn og
nágrennið. Voru 92 sjúklingar fluttir í sjúkrabifreiðinni. Voru
59 ferðir með sjúklinga innanbæjar, en 33 ferðir um nágrennið.
Seinni hluta vetrar 1940 var um nokkurt skeið elcki hægt að koma
við bifreiðum sökum fannfergis og ófærðar. Kom þá sjúkrasleði
sá, er deildin hafði komið sér upp árið áður, í góðar þarfir, og
voru fluttir í honum 6 sjúklingar, 4 innan- og 2 utanbæjar.
Eftir að Bretar hernámu landið og brezkt herlið settist að á
Akureyri og nágrenni bæjarins, þótti sýnt, að komið gæti til hern-
aðaraðgerða og þá einkum loftárása, sem valdið gætu tjóni á lifi
og limum almennings. Gekkst því R. K. deild Akureyrar fyrir stofn-
un hjálparsveita, er orðið gæti fólki að liði, ef tortíming styrjaldar-
innar bærist hingað. Voru stofnaðar fjórar 12 manna sveitir, sem
útbúnar voru með sjúkrabörum, sáraumbúðum og öðrum nauð-
synjum til að veita særðu fólki fyrstu hjálp og aðstoða við flutn-
ing þess á sjúkrahús eða aðgerðarstofu. Skyldi einn af læknum
bæjarins vera með hverri sveit. Var hjálparsveitum þessum veitt
tilsögn í hjálp í viðlögum með sérstöku tilliti til að aðstoða, ef til
loftárása kæmi. Mun deildin að sjálfsögðu halda þessu starfi áfram
á meðan núverandi ástand ríkir og loftárásarhætta er yfirvofandi.
Pjárhagur deildarinnar fór heldur batnandi á árinu, enda þótt
hömlur væru lagðar á tekjuöflun með samkomum, sem oft hafa
gefið góðar tekjur. En allar opinberar skemmtisamkomur í bænum
Heilbrigt líf
221