Hlín - 01.01.1956, Blaðsíða 121

Hlin
119
vel hirtum görðum og trjen allaufguð. Sól og suniar lá
vnn í loftinu yfir hinni fögru höfuðborg hertogadæmis-
ins Luxemburg. „Litla París" hefur hún oft verið kölluð.
— Þarna sátum við utan dyra og drukkum kaffisopa í sól-
skini og hlýindum í októbermánuði.
Ltixemburg er lítið landkrýli, en er þó sjálfstætt ríki.
— Höfuðborgin er samnefnd landinu. — Þetta litla ríki
er inniklemt milli Þýskalands, Frakklands og Belgíu og
nær hvergi til sjávar. — Landsbúar eru blendingar af
Þjóðverjum, Frökkum og Belgíumönnum, og tungumálin
eru tvö: franska og þýska. — Aðaltekjur sínar mun þessi
litla þjóð hafa al iðnaði og landbúnaði — vínyrkja ei þar
mikil — og svo hafa landsmenn miklar tekjur af ferða-
mönnum, því fjöldi lerðamanna leggur leið sína um
þetta land, sem er bæði náttúrufagurt og auðugt af sögu-
legum fornminjum.
Eftir nokkurra daga dvöl kvöddum við Luxemburg og
hjeldum til Þýzkalands, niður svonefndan Moseldai, og
námum staðar í borginni Trier, sem stendur niðri í daln-
um í 10 km. fjarlægð Ihá landamærum Luxemburg. —
Trier hefur með rjettu verið nefrid „Fornminjasafn undir
beru lofti“. — Engin borg, norðan Alpafjalla, hefur svo
margar, sögulegar minjar að geynta, alt frá fornöld og
fnam á síðari aldir.
Með rómverskum embættismönnuni og kaupmönnum
bárust menningaráhrif til Trier, sem þá var að vaxa upp
og verða borg. Um jrað bil 100 árum eftir Krists burð var
reist þar hringleikhús, sem rúmaði 25 þúsund manns. Á
anriari öld eftir Krist var reist geysimikil baðhöll að róm-
verskum sið og sjást rústir þeirrar byggingar enn í dag. —
Þá ljetu Rómverjar reisa ntikla höll, sem þeir nefndu
Palatina. — Seinna var iþeirri byggingu breytt í kirkju,
eftir að kristni kont í landið. — í Aula Palatina hafði
verið hásætissalur rómversku keisaranna, því Rómverjar
drotnuðu lengi vel yfir allri Vestur-Evrópu, alt austur að
Rínarfljóti. — Af stórbyggingum Rómverja í Trier má