Húnavaka - 01.05.1973, Page 34
32
HÚNAVAKA
Hefur þú oft tekið þér sumarfri eftir að þú komst norður og ferð-
ast?
Lítið hefur farið fyrir því. Ég hef farið einu sinni austur. Þá tók
ég mér þriggja vikna frí. Það er eina fríið. Ég ætlaði að fara austur
núna um afmælið mitt og heimsækja dóttur mína, sem er búsett á
Eskifirði, en veður hamlaði því.
Hér að framan eru skráðir þættir úr rabbi við athafnamanninn
Kristján Gunnarsson. Kona hans er Valgerður Þorbjörnsdóttir frá
Stafholtsveggjum í Borgarfirði. Þau eiga þrjá syni alla búsetta á
Blönduósi: Þormar verkamann, Hilmar trésmið, sem báðir vinna í
Stíganda og Sigurð, sem vinnur í Útibúi Búnaðarbankans.
Frá fyrra hjónabandi á Kristján fjögur börn. Þórir matsveinn og
Hrefna húsfrú eru búsett í Reykjavík, Hreinn trésmiður á Hvamms-
tanga og Hanna húsfrú á Eskifirði.
Mér er enn í fersku minni sextugsafmæli Kristjáns Gunnarssonar.
Þá héldu þau hjónin, Valgerður og Kristján, veglega veizlu. Ejöldi
fólks heimsótti þau þann dag og sýndi jrað bezt vinsældir þeirra í
héraðinu. Mikið var sungið og gleðskapur hinn mesti eins og gerist
bezt í stórafmælum í Húnaþingi.
Brennivínsmessa á Söndum.
Á allraheilagramessu haustið 1734 fór þannig fyrir Jóni Þórðarsyni presti á
Söndum, að hann hneig niður í ölæði fyrir altarinu og var lagður á bekk. Síðan
las einn sóknarbænda útskýringu :á guðspjalli dagsins úr húslestrarbók, og lá
prestur kyrr í vímunni á meðan. Þegar lestrinum var lokið hafði prestur jafnað
sig svo, að hann tók á ný til embættisverka og útdeildi tuttugu mönnum sakra-
menti í kórnum. En þá tókst ekki betur til en svo, að hann gleymdi að helga
vínið og brauðið.
Honum láðist einnig að gefa saman hjónaefni, sem komin voru jreirra erinda,
og sú vanræksla dró þann dilk á eftir sér, að hjónaefnin tóku að sænga saman
eftir þessa kirkjuferð, líkt og allt hefði verið með felldu um hjónavígsluna.
Kalla menn það hneyksli sök prestsins.