Húnavaka - 01.05.1973, Page 37
KRISTÓFER KRISTJÁNSSON:
U ngmennasamband
Austur-Húnauatnssýslu
60 ára
Það er gamall og góður siður að staldra við, þegar einhverjum
ákveðnum áfanga er náð, og líta til baka. Rifja upp hvernig gengið
hafi, hvað hafi áunnizt, og hvað hali orðið eftir af þeim áætlunum
er gerðar voru.
Flestum verður sjálfsagt á að renna hug til framtíðarinnar, hvers
næsti áfangi krefst og hvað hann hefur upp á að bjóða.
Flestum er nauðsynlegt, er ætla að gera sér raunhæfa grein fyrir
áfanga framtíðarinnar að kynna sér vel liðna starfssögu, líta til baka
og hugleiða hvað betur hefði mátt fara, hvernig betri árangur hefði
náðst, samhæfa það staðháttum og meta gildi þess fyrir framtíðar
áætlanir.
Ungmennasambandið á nú að baki GO ára starfssögu. Vissulega
eru það merk tímamót, er vert er að staldra við og líta til baka.
Saga ungmennafélagsskaparins hefst hér á landi fljótlega eftir síð-
ustu aldamót. Fyrsta ungmennafélagið var stofnað á Akureyri 1906.
Trúlega hefur þessi hreyfing komið hingað til lands frá Noregi, en
þar stóð ungmennafélagsskapurinn traustum fótum.
Næsta ár eða 1907 var stofnað Ungmennafélag Gagnfræðaskóla
Norðurlands á Akureyri. Sem að líkum lætur hefur einmitt þessi
félagsstofnun orðið mjög til að auka útbreiðslu þessarar félagshreyf-
ingar, því í þann skóla sóttu ungmenni víða að af landinu, og kynnt-
ust Jrá um leið félagshugsjóninni og félagsstarfi, og urðu margir
brautryðjendur um félagsstofnun er heim komu.
Hvenær fyrsta ungmennafélagið hér í sýslu var stofnað, hefur mér