Húnavaka - 01.05.1973, Qupperneq 67

HÚNAVAKA
65
Að lokum hittumst við öll á geysimikilli vörusýningu. Um kvöld-
ið ókum við til Luxemborgar, en þaðan var flogið heim um nóttina.
Við vorum vissulega ánægð, þegar við höfðum ísland aftur undir
fótum. Anægð með vel heppnaða för, og að vera komin heim. En
kalt fannst okkur að koma í norðan gjóstinn, sem tók á móti okkur.
Efst í huga okkar var þó þakklæti til allra, sem þátt áttu í að
ferðin var farin og til gestgjafanna úti. Svo og til Gunnars Bjarna-
sonar fyrir skemmtilega fararstjórn.
ÚTFLUTNINGUR ÍSLENZKRA HROSSA.
Að lokum Sigurður. Hvert er álit þitt á framtíð hrossaútflutnings
og þyrftum við að gera einhverjar skipulagsbreytingar á honum?
Markaðir virðast nægir um ókomin ár á hinu stóra og þéttbýla
meginlandi, enda er ekki hægt að ala íslenzka hesta upp með sín-
um réttu íslenzku einkennum annars staðar en hér. Það er vegna
þess frelsis, sem þeir hafa í víðáttumiklu og margbreytilegu lands-
lagi ásamt æði misjöfnum veðrum. Það herðir þá og gefur þeim sitt
frjálslega fas.
En við myndum vafalaust fá meira verð fyrir okkar hesta, ef við
flyttum þá út sjálfir. Að vísu er ekki hægt fyrir hvern einstakling að
fara út með sinn hest, en ég álít að t. d. S.Í.S. ætti að koma sér upp
aðstöðu erlendis og flytja hestana þangað. Þar væru menn, sem
kynnu með hesta að fara og undirbyggju þá undir söluna, en hana
önnuðust duglegir sölumenn. Þannig fengju bændur svo hátt verð
fyrir hesta sína sem mögulegt væri. Og ég legg á það mikla áherzlu
að þetta sé í höndum íslendinga, því að þeir kunna allra manna
bezt að fara með íslenzka hesta.
Og þar með ljúkum við þessu spjalli við hjónin á Hnjúki og
þökkum þeim fyrir. En þess má geta að Sigurður lét sér þessa ferð
ekki nægja. Síðastliðið haust var Evrópumeistararmótið haldið í
Sviss. Þangað skrapp hann, þótt ekki tæki hann þátt i keppninni.
Engu að síður fór hann með hest með sér og seldi fyrir gott verð.
Og þegar ég kvaddi, sagði Sigurður: „Ef ég væri 10 til 15 árum
yngri myndi ég taka búgarð á leigu ytra og hefja útfhitning íslenzkra
hrossa í stórum stíl.“
5