Húnavaka - 01.05.1973, Page 68

INGA SKARPHÉÐINSDÓTTIR, Blönduósi:
Sumarferð
í só
Morgunverðurinn stóð á borðinu. Þreytuleg húsmóðirin hafði
drepið sér niður og lét renna í bollann sinn úr kaffikönnunni.
Eldri sonurinn kom úfinn og tötralegur í dyrnar. Rytjulegar galla-
buxurnar héngu í henglum um granna óhreina fótleggi. Hér eru
sokkar handa þér Marteinn minn. Ertu vitlaus, ég verð berfættur
eins og hinir strákarnir. Hann ýtti síðu, sneplóttu hárinu frá andlit-
inu um leið og hann settist.
Nikotíngulir fingurnir gripu glóðaða brauðið. Hann sötraði kaffið
með fýlusvip. Ætlar þú að gera eitthvað sérstakt á morgun, Mar-
teinn minn? Alltaf þetta Marteins nafn. Ég krefst þess að þú kallir
mig Madda, þetta er ekki nafn þessi fjandi.
Hann afi þinn þótti sómamaður og bar hann þó þetta nafn.
Sonurinn rauk upp og sló í borðið. Ekkert orð um karlasnann,
löngu dauðann. Guð hjálpi þér Mar . . . Maddi. Ætlar þú að gera
eitthvað sérstakt um helgina? Já, við ætlum að undirbúa mótmæla-
göngu. Vegna hvers, hverju á að mótmæla? Það veit ég sko ekki, við
ætlum bara að mótmæla öllu. Guð minn góður, stundi konan. Byrj-
ar nú þetta píp á hann þarna uppi. Láttu það vera, hann er að lúskra
þeim í Víetnam. Hamingjan hjálpi þér drengur. Konan var staðin
upp og horfði biðjandi á afkvæmi sitt.
Við ætlum að fara upp í sveit, að finna Binna bróður minn á
morgun. Komdu með.
Nú ertu fyrst orðin snar móðir góð. Hvað heldur þú að strákarnir
segðu ef ég færi að dingla upp í sveit um helgina. Ónei, aldrei skaltu
fá mig í það. Hurðin skall á hæla drengsins. Konan varð ein. Rétt í
þessu birtist heimilisprýðin, dóttirin, fimmtán ára.
Hún gekk virðulega að borðinu og settist.
Sæl mamma. Hefur fíflið hann Marteinn verið að hrella þig?
Hann er sko kominn út á hála braut. Mér sýnist það svaraði móðir-