Húnavaka - 01.05.1973, Page 124
122
HÚNAVAKA
birgða og strax á næsta sumri verður að gera línurnar upp að nvju.
Þá verður Skagastrandarlínan lögð í jörð, en ákvörðun um það var
tekin eftir að hún hrundi.
Raflínan til Skagastrandar var lögð 1953 og Hvammstangalínan
1955. Hvorug þeirra hafði fyrr en þetta orðið fyrir skemmdum af
völdum ísingaveðra. En í ísingaveðri og stórviðri, sem skall skyndi-
lega á þann 30. nóv. 1950, brotnuðu 160 símastaurar á Langadals-
línunni frá Blönduósi að Auðólfsstöðum og línan á milli Gauks-
mýrar og Hvammstanga gjörféll. í þessu veðri brotnuðu um 300
símastaurar í Húnavatnssýslu og raflínan frá Laxárdal til Blönduóss
féll á löngum kafla. Einnig urðu mjög miklar skemmdir á girðing-
um. Þá var lengst af illviðrasamt meðan á viðgerðunum stóð og
mikla ísingn varð að brjóta af vírunum áður en þeir voru reistir.
Nauðsynlegustu viðgerðum var ekki lokið fyrr en um jól. Þann 6.
júní 1968 brotnuðu 52 raflínustaurar í ísingaveðri á Kolugafjalli.
1 skýrslum um tölu bæjarbúa í nokkrum verstöðunr og kaupsstöðum sést hve
fólksfjöldinn eykst þar árlega, því það er eitt af meinum landbúnaðarins, að
bændur á góðum jörðum, selja bú sín og sumir um leið eignajarðir sínar, til að
kaupa húskofa í kaupsstað og flytja svo þangað með fjölskyldu.
Ég stóð nýlega og hlýddi á tal nokkurra sveitabænda, sent komu með stóra
vörulest til Reykjavíkur og heyrði einn þeirra, sent bjó á góðri sjálfseign, segja
þegar hann reið fram hjá einu smáhúsi ,,já bara ég ætti þennan kofa, þá skyldi
ég ekki lengur pína mig við búskapinn, það væri munur að lifa hérna." Ég er
sannfærður um að honum mundi líða miklu ver í húsinu en á erfðaeign sinni.
Það er hreint og beint komin bæjarlífssýki í fólkið.
Úr almanaki Þjóðvinafélagsins 1903.