Húnavaka - 01.05.1973, Page 151
HÚNAVAKA
149
við kynbætur. Þannig væri hægt að safna saman sæg af töluleg-
unr upplýsingum, sem fljótlegt væri að vinna úr í rafreikni á
hverjum tíma.
4. Þróun á ýmiss konar prófunaraðferðum, sem ekki er hægt að
koma fyrir í venjulegu kynbótaplani (t. d. mjaltatíma og þess
háttar).
5. Stöðug athugun á raunverulegum kynbótaframförum til þess
að fá upplýsingar um þörfina fyrir að leiðrétta erfðafræðilega
stuðla.
Djúpfryst sœöi í svina- og sauðfjárreekt.
Aðferðin, sem nota skal til þess að djúpfrysta sæði úr hrútum og
svínum og sem margir bíða óþreyjufullir eftir til þess að nota í rækt-
uninni virðist vera á næsta leiti. Þessi aðferð ætti að geta gefið mikla
möguleika í sambandi við auknar kynbætur á borð við það, sem nú
er að gerast í nautgriparæktinni. Sú tilhögun, sem við höfunt haft
á þessu hér heima hefur verið ófullnægjandi, vegna staðhátta og
aðstæðna. í fæstum tilvikum hefur verið hægt að sæða beztu ein-
staklingana, sem er forsenda þess að miklar kynbótaframfarir geti
átt sér stað. Unnið er af fullum krafti að bæta djúpfrystingaraðferð
þessa til þess að hægt sé að hagnýta hana í þágu búfjárræktarinnar.
Á heimsþingi í æxlunarlífeðlisfræði, sem haldið var í Munchen
núna í júní, var lagður fram fjöldinn allur af skýrslum um rann-
sóknir á þessu sviði. Það eru því miklar líkur á því að þessi aðferð
verði tekin í notkun á næstunni.
Lifefnafrœði, scm hjálpartceki á kynbótastarfinu.
Það hefur lengi verið vitað, að þeir afurðaeiginleikar, sem við
vinnum með og kynbótaúrvalið er grundvallað á, eru árangur af
mjög flókinni lífefnafræðilegri hringrás, þar sem m. a. ólíkir hor-
mónar og enzym hafa miklu hlutverki að gegna. F.f við höfum mögu-
leika á því að hafa áhrif á einhvern ákveðinn eiginleika t. d. nyt-
hæð kúa með því að auka starfsemi þessara hormóna og geta þannig
aukið afurðamagn, mundu opnast miklir möguleikar á að auka
mjólkurframleiðslu.
I sauðfjárrækt er nú þegar farið að sprauta hormónum prolan A,