Húnavaka - 01.05.1973, Page 190
188
H ÚNAVAKA
ástand ár eftir ár að allt sam-
göngukerfið lamist ef snjór kem-
ur úr lofti.
En það er dýrt að byggja upp
vegakerfið svo vel sé. Þannig
munu þessir 12 km, sem búnir
eru af Langadalsvegi kosta yfir
24 millj. króna. Að sögn Þor-
móðs Péturssonar vegaverkstjóra
liggur jressi kostnaður m. a. í því
að mörg ræsi þurfti að gera á
veginn og sum þeirra mjög
kostnaðarsöm. Hann gat t. d. um
það, að víða hefði þurft að láta
steypu í strigapoka og hlaða
þeim upp fyrir neðan ræsið.
Þetta er gert til þess að vatnið
orafi ekki úr vegkantinum.
Þannig hefði þurft að fylla á
fimmta hundrað poka af steypu
til að láta við ræsi 'hjá Fremsta-
gili. Pokar, sem keyptir voru til
nota í þetta eina ræsi, kostuðu
því um 12.000 krónur tómir.
Einnig gat Þormóður um það,
að langa leið hefði þurft að
sækja frostfrítt efni til ofaní-
burðar.
Um aðrar framkvæmdir, sem
unnar voru í sumar, er það að
segja, að ný brú var byggð á
Hnausakvísl. Nýja brúin stend-
ur við hliðina á þeirri gömlu og
er 72.5 m löng stálbitabrú. Yfir-
smiður við brúargerðina var
Guðmundur Gíslason á
Hvammstanga. Þá var nýr vegur
lagður að brúnni. Aðra brú
byggði Guðmundur yfir Þverá á
Þverárfjallsvegi.
Á Kjalvegi var unnið fyrir 2
millj. kr., en aðalframkvæmdin
þar var við að breikka ræsi hjá
Guðlaugsstöðum og hækka veg-
inn. Einnig var borið um 30 cm
þykkt lag í veginn frá Syðri-
Löngumýri og fram að þeim stað
er vegurinn beygir upp á heið-
ina.
í Blöndudal austanverðum
voru ræsi endurbætt og grafið
með veginum frá vegamótum
við Blöndubrú að Austurhlíð.
Kostaði það um 1 millj. kr.
I Laxárdal var byggður nýr
vegur frá Skrapatungu 1.4 km
fram í dalinn. Þá mun lokið að
telja það helzta, sem gert var við
nýbyggingu vega í sýslunni á ár-
inu, en að viðhaldi var unnið
fyrir 3.7 millj. króna. Að sögn
Þormóðs er það allt of lítil upp-
hæð miðað við hve vegirnir eru
yfirleitt gamlir og þurfa mikið
viðhald. Þyrfti þessi upphæð að
hækka a. m. k. um þriðjung. Þá
kostaði heflun vega um 1 millj.
kr. og fjárveiting til girðinga
með vegum var 300 þúsund kr.
Heildargreiðslur Vegagerðar-
innar 'hér í sýslu, fyrir utan
greiðslur vegna brúagerðar, voru
um 26 millj. króna. Það er hæsta
upphæð, sem unnið hefur verið
fyrir á einu ári til þessa.