Ritið : tímarit Hugvísindastofnunar - 01.01.2010, Síða 5

AF MEnninGRÁSTAnDi
5
söfn standa frammi fyrir á tímum þar sem krafist er endurskoðunar og
endurmats á helstu valdastofnunum þjóðarinnar eftir hrun fjármálakerfis-
ins haustið 2008. Katla byggir grein sína á nýlegum kenningum innan
safnafræða sem margar hverjar benda á að söfn eigi að taka virkan þátt í
samfélagslegri umræðu með því að takast á við brýn, viðkvæm og pólitísk
málefni samtímans og hvetja þar með sýningargesti til meiri samfélags-
legrar þátttöku með ýmsum hætti. En hversu langt eiga söfn að ganga í
þeim efnum og hversu langt geta þau gengið? Myndaþátturinn er helgaður
skissum úr myndröð eftir myndlistarmanninn Hannes Lárusson. Skissurnar
voru unnar á stuttum tíma og um það leiti sem búsáhaldabyltingin var í
hámarki. Myndirnar draga upp grátbroslega mynd af því ástandi sem ríkti
þessar vikur. Serían vekur upp spurningar á borð við þær hvernig best sé
að standa að söfnun menningarminja á borð við viðbrögð fólks við kreppu.
Er nægilegt fyrir söfn að nota opinberar heimildir á borð við fjölmiðla til
að geta byggt upp safnkost sinn eða er nauðsynlegt fyrir söfn að eiga í
persónulegu sambandi við einstaklinga og fulltrúa félagasamtaka í samfé-
laginu til að tryggja sem breiðasta sýn á það sem fram fer á hverjum tíma
fyrir sig? En myndheimur Hannesar er búinn til sem ákveðið andsvar við
þeim táknheimi sem skapaðist fyrir mótmælin veturinn 2008–2009 og
sýndur var meðal annars við mótmæli á Austurvelli í Reykjavík. Síðasta
greinin í heftinu er eftir ÖlmuDís Kristinsdóttur menntunarfræðing.
Fjall ar hún um safnfræðslu á íslenskum söfnum, en safnfræðslumál hér á
landi virðast einkennast af ótta við möguleika safnkennslunnar. Þetta birt-
ist meðal annars í því að fá söfn virðast átta sig á mikilvægi þess að huga vel
að fræðslumálum svo þau þjóni sem best hlutverkum sínum.
Að endingu viljum við þakka höfundum greinanna fyrir sérstaklega
góða samvinnu og Heiðu Björk Árnadóttur, Háskóla Íslands, fyrir marg-
víslega aðstoð við frágang heftisins. Við viljum einnig þakka aðal rit stjórum
Ritsins, þeim Birni Þorsteinssyni og Ásdísi R. Magnúsdóttur fyrir ánægju-
legt samstarf.
Sigurjón Baldur Hafsteinsson
og Helga Lára Þorsteinsdóttir