Ritið : tímarit Hugvísindastofnunar - 01.01.2010, Side 72

LOFTUR ATLi EiRÍKSSOn
72
jafnan til glæsilegrar dagskrár í höfuðstöðvum sínum í Austurstræti. Strax
fyrsta árið eftir að bankinn var einkavæddur árið 2003 opnaði Björgólfur
Guðmundsson formlega sýningu á helstu verkum Kjarvals í eigu bankans á
Menningarnótt.45 Aðalsteinn ingólfsson listfræðingur fór með leiðsögn
um sýninguna en kl. 18.00 kepptu Tobbi trúður og leikmenn úr Lands-
bankadeildinni í knattþrautum. Benedikt búálfur og Dídí skemmtu yngstu
börnunum með söng og leik en að því loknu sýndu dansarar Íslenska dans-
flokksins listir sínar. Þá söng Karlakór Reykjavíkur, og tríóið Guitar
islandico steig á svið. Að því loknu sýndi Björk Jakobsdóttir brot úr leikrit-
inu Sellófón og Einar Jónsson sló síðan botninn í dagskrána með leik á
trompet. Dagskráin endurspeglar þá breidd sem Landsbankinn vildi hafa í
markaðssókn sinni og markmiðið er augljóslega að höfða beint til allra
meðlima kjarnafjölskyldunnar með því að aðlaga dagskrána að smekk
þeirra markhópa sem einstaklingarnir innan hennar tilheyra. Bankinn var
leiksvið, barnaleikhús, sýningarsalur, tónleikasalur og knattspyrnuvöllur.
Gleðin var við völd og fjölskyldan skemmti sér saman með Landsbankanum,
sem markaði sér svæði innan áhugasviðs allra fjölskyldumeðlima og varð
um leið miðpunktur gleðinnar.
Landsbankinn náði ef til vill bestum árangri við að samsama sig menn-
ingarlífi þjóðarinnar með því að gera hátíðisdaga hennar að sínum. Draga
má upp þá myndhverfingu að hátíðisdagarnir séu hver um sig líkt og safn-
gripir eða gluggar inn í sögu þjóðarinnar í því safni daganna sem alman-
aksárið markar. Þeir eru bautasteinar þeirra áfanga sem þjóðin telur hvað
mikilvægasta við sköpun núverandi samfélagsgerðar og gegna þýðingar-
miklu hlutverki við uppbyggingu þjóðarvitundar. Bankinn setti af stað
umfangsmikla auglýsingaherferð tileinkaða hátíðisdögum Íslendinga árið
2005 og keyrði hana árlega með nýjum auglýsingum tileinkuðum hverjum
hátíðisdegi allt þar til bankinn féll og var þjóðnýttur í október árið 2008.
Ekkert var sparað við að gera herferðina sem glæsilegasta og vann hún til
fjölda verðlauna.46 Herferðin var vel ígrunduð og hófstillt. Veggspjöld og
opnuauglýsingar birtust í dagblöðum þar sem Landsbankinn óskaði þjóð-
inni til hamingju með viðkomandi daga. Líkt og nánast allir geta sammælst
45 „Menningarnótt í Landsbankanum“, Landsbankinn, 14. ágúst 2003. Vefslóð:
http://www.landsbanki.is/umlandsbankann/frettirogutgafuefni/frettir/?Grou-
piD=294&newsiD=1026&y=2003&p=2. Sótt 27. maí 2009.
46 „Tilnefningar til fimm verðlauna á ÍMARK“, Landsbankinn, 16. febrúar 2006.
Vefslóð: http://www.landsbanki.is/umlandsbankann/frettirogutgafuefni/frettir/?-
GroupiD=294&newsiD=4732&y=2006&p=6. Sótt 27. maí 2009.