Ritið : tímarit Hugvísindastofnunar - 01.01.2010, Síða 123

123
Um haustið 2008 tókst óræðri krumlu að grípa spriklandi þjóðina eins
og lítinn unga. Í lok árs 2008 og byrjun 2009 var ástandið í samfélaginu
frumstætt og krampakennt, í einhverjum skilningi opið og berskjaldað
um leið og hnoðrakenndur doði virtist liggja í loftinu.
Hér eru birtar myndir úr myndaröð sem varð til í þessu ástandi á
fáum vikum í kringum áramótin 2008–2009. Þær voru ekki gerðar í
neinum sérstökum tilgangi, nema þá til þess að senda sem viðhengi
með tölvupósti sem var sendur til afar fámenns hóps eða til að hengja
upp á vegg á myrkri verkstæðiskaffistofu þangað sem engir koma nema
örfáir villuráfandi listamenn í leit að viðarbútum, brotajárni eða kaffi
og hundakexi. Myndirnar eru blanda af einhverskonar myndrænni dag-
bók þar sem myndirnar spretta upp eins og af sjálfu sér og því sem
kallað er „doodling“. Það er það athæfi að krafsa eitthvert mynstur,
jafnvel myndir og orð, á blað oft annars hugar eða samhliða öðrum
athöfnum. Doodling er oft stundað þegar menn tala í síma. Það má því
segja að þessar myndir hafi orðið til eins og annars hugar þegar hlustað
var með öðru eyranu á ástandið þessar vikurnar. Tækin sem voru notuð
voru jafnan Photoshop og tölvumús, þó að í örfáum tilfellum kæmi
fyrir að blýanturinn leysti músina af hólmi. Myndirnar virtust þróast í
átt til meiri óreiðu jafnt í útliti sem inntaki þar til að viss máttleysis-
drungi virtist leggjast yfir.
Hannes Lárusson
„Doodling“
Ritið 1/2010, bls. 123–133