Skírnir - 01.01.1968, Page 129
SKÍRNIR NORRÆNUFRÆÐINGUR HLUSTAR OG SPYR
127
Eitt kvæði í Það blœðir úr morgunsárinu (það nafn er reyndar
eitt dæmi) heitir Væn-dís-kona. Með því að teygja á einum staf í
orðinu vændiskona, verður sú kona væn dís. Og tungur þær, sem
tala, þar sem vonirnar deyja eru haldnar þágufallssýki:
víður vegur er þangað
sem vonir mínar deyja
þar tala ótal tungur
sem titrandi segja
m é r hefur mikið langað
En fleira kátlegt er í fórum skáldsins, en það að beita orðum eða
orðshlutum á nýstárlegan hátt. Það er t. d. alltaf að yrkja sig upp.
Meginhluti í Geislavirkum tunglum eru kvæði úr Það blæðir úr
morgunsárinu. Ný kvæði eru mynduð við það að steypa saman
tveimur gömlum í eitt, gömul kvæði skipta miskunnarlaust um
nafn. Jafnvel efnisyfirlitið, sem í Það blœðir úr morgunsárinu heit-
ir efni, heitir nú efnishyggja. Kvæðið, sem áður hét Væn-dís-
kona, heitir nú Bros, kvæðið, sem áður hét Útvarp, heitir nú Öku-
hraði, og á því hefur orðið auk þess kostuleg breyting. Þar sem áður
var:
í bifreiðum
hugsuðum
er kargur
ragur
urgur
argur
eru nú orðin þessi umskipti:
í bifreiðum
flugvélum
o. s. frv.
og kvæðið, sem fyrri bókin dró nafn sitt af, Það blæðir úr morgun-
sárinu, hefur verið sneytt tveimur fyrstu vísuorðunum og heitir nú
Geislavirk tungl og gefur enn á ný bókinni nafn. Kvæði, sem í Það
blœðir úr morgunsárinu heitir Öreigi, hefur nú fengið framan á