Úrval - 01.12.1943, Blaðsíða 132

Til lesendanna — og frá þeim.
mllEÐ þessu hefti lýkur öðrum árgangi tJrvals. Á
II tímamótum þykir tilhlýðilegt að staldra við, líta
yfir farinn veg og gera áætlanir um framtíðina.
Leiðin að baki Úrvals er ekki löng, en hún er þó allt,
sem var, og á henni verður að byggja það, sem verða
mun. Þegar ný og áður óþekkt stefna er mörkuð, getur
brugðið til beggja vona um það, hversu langt verður sótt,
og hlýtur byr að ráða. Úrval hefir ekki átt undan byr-
leysi að kvarta það sem af er. Öhætt mun að fullyrða,
að naumast nokkurt íslenzkt tímarit, hvorki fyrr né síðar,
hafi átt svo skjótum og góðum byr að fagna. Öll bréfin,
sem borizt hafa, bera þess ekki síður vitni en salan —
kannske öllu frekar, því að íslenzkum lesendum mun al-
mennt ekki gjarnt á að skrifa hól- eða þakkarbréf, þó að
þeir lesi eitthvað, sem þeim líkar vel.
Öll þessi bréf eru vitanlega vel þegin (hverjum þykir
ekki hólið gott?). En þær þrjár síður hér á kápunni, sem
ætlaðar eru að mestu bréfum frá lesendum, yrðu fljót-
lega tilbreytingarlítill lestur, ef ekkert birtist þar annað
en þakkarbréf, sem eðlilega eru oftast harla lík hvert
öðru. Þess vegna hefir lítið verið gert að því að birta
slík bréf, en heldur orðið fyrir valinu þau, sem fluttu um-
sagnir, athugasemdir eða gagnrýni um einstök atriði í
efni tímaritsins. Sendið fleiri slík bréf, öðrum lesendum
til ánægju og okkur, sem veljum efnið handa ykkur, til
leiðbeiningar; tillögur ykkar eða gagnrýni eru okkur
meira virði en ykkur grunar.
Alltaf eru öðru hvoru að berast óskir um það, að Úrval
verði gert að mánaðarriti. Úrvali þykir vænt um þessar
óskir, því að þær bera vott um, að mönnum þyki Úrval
ekki nógu tíður gestur á heimilinu. Margs ber þó að gæta
áður en í slíkt er ráðizt og er naumast tímabært að ræða
það að sinni, en Úrval getur fullvissað lesendur sína um
það, að þetta atriði verður ekki látið óathugað frekar
en önnur, sem snerta framtíð tímaritsins. Æskilegt væri
að fá álit fleiri lesenda um þetta atriði, það getur ráðið
nokkru um, hvað gert verður í málinu.
STEINDÓRSPRENT H.F.