Andvari - 01.01.1885, Blaðsíða 116
110
Laxveiðar og silungsveiðar.
mjer veittist færi á, að kynnast fiskiveiðum íslendinga
yfir höfuð að tala.
Heimilisástæður bönnuðu mjer að komast af stað
fyr en í byrjun júlímán. Jeg hafði með aðstoð herra
Tr. Gunnarssonar gert nokkura áætlun um ferðalag mitt,
og mátti eptir henni nokkurn veginn gera ráð fyrir, ef
nokkurn veginn viðraði, að mjer mundi endast tími til
að rannsaka eptir þörfum svo margar hinar helztulaxár
og fiskivötn, að nægja mætti til þess, að jeg gæti fyrst
um sinn sagt álit mitt um laxveiðar og aðrar veiðar í
vötnum á íslandi, eins og þær eru nú, og, ef til vill,
gefið nokkur ráð og bendingar til frambúðar.
|>að veitti samt ekki af, að nota tímann. Fjár-
veiting sú, er alþingi hafði samþykkt, var 3000 kr. Var
svo til ætlazt, að 1000 kr. af fje þessu gengju til þess,
að fá mann, sem kynnt hefði sjer laxaklak; skyldi hann
vera vetrarlangt á íslandi, til þess að sjá um klakstofn-
un þá, er ætlazt var til að jeg kæmi upp til reynslu þar,
sem mjer þætti staður og annað vel til fallið.
Fegar að því er gætt, í hve mörg horn var að líta
með fje þetta, er ætlað var til ferðar minnar: að gjalda
þurfti fylgdarmönnum, gisting og dvöl á bæjum, kaupa
rannsóknarverkfæri og klakfæri, og þar að auki borga af því
ferð klakmannsins og dvöl hans vetrarlangt, var það bert,
að fjárframlagan naumast mundi hrökkva svo, sem skyldi.
Eptir áætlun þeirri, sem við herra Tryggvi Gunnarsson
gerðum um kostnaðinn, hjeldum við þó, að það mundi
mega komast af með fje þetta. En svo fór, að ferð mín
og dvöl á íslandi varð um 4 mánuði, þar sem við höfð-
um gert ráð fyrir þremur. Tímalenging þessi, og það,
að hestar mínir urðu lítilsvirði, auk þess, sem hjer til
komu ýms ófyrirsjeð þóknunargjöld fyrir nauðsynlega
hjálp og aðstoð optsinnis, varð til þess, að útgjöld urðu
nokkuð meiri, heldur en í fyrstu var gert ráð fyrir.
Eannsóknarferð þessi hefði átt að vera betur úr garði
gerð, bæði að rannsóknarfærum, hestum og mannhjálp.