Andvari - 01.01.1885, Blaðsíða 187
Um yegagjörð.
181
part eptir beiðni annara. Fyrir hvert brúarstæði hef
jeg búið til uppdrátt af brú og áætlun um kostnaðinn
við brúarbygginguna, og sentþað allt til herra landshöfð-
ingjans. J?ó eigi sjeu mikil líkindi til, að hinar
stærstu brýrnar að minnsta kosti verði bráðlega gerðar,
getur það þó ætíð verið fróðlegt, að sjá hjer um bil
hvað þær kosta.
Jeg skal láta ótalað um það, hvort ástæða sje til
að gera brýr þessar eða ekki. feir, sem hlut eiga að
máli, geta sjálflr íhugað það atriði, eptir þeim gögnum,
er þar til liggja.
Eins og jeg áður hef getið um í brjefi til lands-
böfðingjans, er brúarstæðið yfir Eyjafjarðará góðan spöl
fyrir sunnan Akureyri, því þegar norðar dregur, verð-
ur áin svo breið, að eigi er þar líklegt tií brúargerð-
ar. Brúarstæðið liggur því ekki á hentugum stað fyrir
þá, sem fara af Akureyri og ætla Vaðlaheiði, eða fyrir
þá, sem koma austan Vaðlaheiði og ætla til Akureyrar.
Ef til vill verður það hentugra, að fá aukaveg lagðan
frá Vaðlaheiðarveginum ofan að sjó við Vogastaði og
fá svo ferju þaðan yfir á Akureyri.
Brúarstæðið yfir þverána við Kaupang skoðaði jeg
eptir fastlegum tilmælum þeirra, er hlut áttu að máli,
og þar sem út leit fyrir, að menn þegar vildu fara að
safna fje til brúargjörðar þar, skildi jeg eptir hjá sýslu-
manni eptirrit af uppdrættinum ásamt kostnaðar-
áætlun.
Jeg hef gert ráð fyrir, að brýrnar sjeu hafðar úr
járni, nema þessi brú yfir þverána við Kaupang, því
brúarstæðisins vegna er ástæða til að hafa þar trjebrú
með skástoðum undir til beggja hliða. í alveg skóg-
lausum löndum mun annars járn verða haganlegast til
brúargerðar, þegar til lengdar lætur, svo jeg nú ekki
nefni það, að gera má langar brýr fyrir minna verð úr
járni en trje. Víða á íslandi getur það líka verið