Ritið : tímarit Hugvísindastofnunar - 01.01.2010, Side 70

LOFTUR ATLi EiRÍKSSOn
70
breyttum markaðsáherslum var farið að leita að nýjum og áhrifameiri leið-
um til að koma því á framfæri. Í stað þess að vörumerki bankans kæmi fram
sem truflun eða rof í upplifun neytandans reyndi bankinn að gera sig að
órjúfanlegum hluta eða jafnvel miðpunkti upplifunarinnar líkt og færst
hefur í vöxt í markaðsstarfi stórfyrirtækja.36 Landsbankinn lét sér ekki nægja
að marka eigin þjónustu heldur markaði hann sér félagslegt um hverfi með
því að kosta menningarstofnanir og menningarviðburði. naomi Klein
heldur því fram að stórfyrirtæki teygi sig með þeim hætti út í samfélagið
og eigni sér sneið af menningunni og geri hana að hluta af vörumerki
sínu.37 Landsbankinn var það stórfyrirtæki hér á landi sem var hvað mest
áberandi á þessu sviði á árunum 2002–2008.
Kjölfestan í Kjarval
Líkt og Landsvirkjun lítur á stuðning við menningarstarfsemi sem hluta af
raforkuframleiðslu leit Landsbankinn á hann sem hluta af fjármálastarf-
semi enda eru virðing og traust ef til vill mikilvægustu „eignir“ fjármála-
stofnana og hornsteinar ímyndar þeirra.38
Fyrir fyrirtæki sem byggir á trausti og öryggi eru menningar-
mál ein besta markaðssetning sem völ er á. Öflugt menningarlíf
staðfestir að samfélagið er þróað og traust og kynning á menn-
ingarlífinu eflir traust erlendra viðskiptaaðila á þeirri samfélags-
gerð sem fyrirtækið á rætur að rekja til. Því nýta fyrirtæki menn-
ingaratburði til kynningar á íslensku viðskiptalífi fyrir erlendum
aðilum.39
Bankinn tók hamskiptum við markaðssókn á innlendum markaði og mark-
aðsdeild hans leitaðist við að sveipa hann ljóma menningarhofs líkt og
Landsvirkjun gerir í orkustöðvum sínum. Dýrmætustu verkin í listaverka-
safni bankans eru varðveitt í höfuðstöðvum hans og þar er að finna kalk-
veggmyndir í sjö einingum eftir Jóhannes Kjarval.40 Þegar bankinn var
36 naomi Klein, No logo: taking aim at the brand bullies, London, new York: Picador,
1999, bls. 28–30.
37 Sama rit bls. 5–30.
38 Halldór Jón Kristjánsson, „Viðskipti og menning“, Morgunblaðið, 15. október
2005. Vefslóð: http://www.mbl.is/mm/gagnasafn/grein.html?grein_id=1043870.
Sótt 13. febrúar 2009.
39 Sama rit.
40 Myndlistarvefur Landsbankans. Vefslóð: http://www.landsbanki.is/uploads/kjarval/
listagluggi.html. Sótt 27. maí 2009.