Ritið : tímarit Hugvísindastofnunar - 01.01.2010, Side 73

MEnninGARVÆÐinG ViÐSKiPTALÍFSinS
73
um að vera fylgjendur friðar fagna flestir hátíðisdögum sem gjarnan marka
merkilega viðburði í sögu þjóðarinnar. Markmið bankans var að gera sig
að gildum þátttakanda í þessum dögum og tengja ímynd sína jákvæðum
atburðum og sigrum í sögu þjóðarinnar.
Bankinn fékk leikara, listamenn og fleiri þjóðþekkta einstaklinga í lið
með sér til að endurskapa á ljósmyndum merka viðburði sem tengdust ein-
stökum hátíðisdögum með sem trúverðugustum hætti. Mikil vinna var
lögð í að gera auglýsingarnar sögulega réttar og nákvæmar undir hand-
leiðslu sagnfræðings. Í auglýsingu í tilefni af kvenréttindadeginum 19. júní
árið 2008 var minnst kjörs Vigdísar Finnbogadóttur sem forseta Íslands.47
Endursköpuð var sú stund þegar Vigdís fagnaði sigri í forsetakosningunum
árið 1980 á svölum heimilis síns að Aragötu 2 ásamt dóttur sinni Ástríði.
Vigdís lánaði heimili sitt til myndatökunnar og kjólinn sem hún klæddist
við þetta tækifæri. María Ellingsen leikkona lék Vigdísi í auglýsingunni og
dótturdóttir Vigdísar lék móður sína. Landsbankinn var tilbúinn að kosta
miklu til að gera hátíðisdagana að sínum og endurtekning herferðarinnar
fjögur ár í röð gefur til kynna að bankinn taldi fjárfestinguna skila sér.
Áhrifamáttur stuðnings bankans við menningarstarfssemi og velvild lands-
manna í garð hans endurspeglast í framgöngu Vigdísar Finnbogadóttur
sem hefur orð á sér fyrir að vera einstaklega grandvör í samskiptum við
fjölmiðla. Raunar má halda því fram að mjög óvenjulegt sé að fyrrverandi
þjóðarleiðtogi láni heimili sitt og ómetanlega minningu úr lífi sínu í aug-
lýsingu fyrir fjármálastofnun. Vera kann að forsetinn fyrrverandi hafi litið
á auglýsinguna sem auglýsingu fyrir hátíðisdaginn og samsömun bankans
við sögulegt minni þjóðarinnar því verið fullkomnuð.
Landsbankinn gerði áfanga í sögu sinni að þjóðhátíð á þann hátt að
mörkin á milli verundar hans og þjóðarinnar voru nánast afmáð. Tilefnið
var 120 ára afmæli bankans 1. júlí árið 2006 og engin fordæmi eru fyrir
jafn umfangsmiklum hátíðahöldum fyrirtækis á Íslandi í tilefni af eigin
afmæli. Hátíðahöldin stóðu yfir í eitt ár og alls voru skipulagðir 120 við-
burðir innan lands sem utan af því tilefni.48
Eggert Þór Bernharðsson sagnfræðingur ritstýrði veglegu afmælisriti
47 „Hátíðisdagar – Kvennadagur 2008“, Landsbankinn, (e.d). Vefslóð:
http:// www.lands banki.is/ umlandsbankann/markadsmal/hatidisdagar/kvenna-
dagur2008/. Sótt 29. maí 2009.
48 „Landsbankinn býður öllum landsmönnum til afmælisveislu“, Landsbankinn, 28.
júní 2006. Vefslóð: http://www.landsbanki.is/umlandsbankann/frettirogutgafu-
efni/frettir/?GroupiD=294&newsiD=5878&y=2006&p=3. Sótt 27. maí 2009.