Skírnir - 01.01.1974, Blaðsíða 65
SKÍRNIR
HÚS í HÓMILÍU
63
Síðan er því lýst hverju hlutverki kirkjuhúsið þjónar í safnaðar-
lífi, rætt um skírnina, sakramenti, skriftir o.s.frv. Að inngangi
loknum kemur aðalefni predikunarinnar. Og nú er ekki lagt út af
texta heldur kirkjuhúsinu sjálfu: „En með því að einu nafni kallast
á bókum kirkjan og allt saman kristinn lýður, þá munum vér segja
hversu kirkjan merkir lýðinn, eða hversu kristinn Iýður má kallast
höll guðs.“
Þessu næst sjáum við fyrir okkur klerk útlista fyrir ólæsu alþýðu-
fólki kristindóm, með því að fá það til að leiða augum innanvert
húsið, þar sem það situr eða stendur, og segja: gefið gaum að gólf-
inu, sætunum, veggjunum, ræfrinu gott fólk og sjá! af hverjum
byggingarlið getið þið lesið heilagt táknmál:
Sönghús merkir helga menn á himni, en kirkjan kristna menn á jörðu.
Altari merkir Krist, því að svo sem fórnir þær er guði eru færðar helgast eigi
nema yfir altari, svo verða og eigi verk vor þæg, nema helgist í ást Krists.
Altarisklæði eru helgir menn, þeir er skrýða Krist í góðum verkum, svo
sem Páll postuli mælti: „Þér allir er skírðir eruð í Kristi, Krist skrýdduð þér.“
Syllustokkar kirkjunnar merkja postula guðs, en undirstokkar eru allrar
kristni. Dyr kirkjunnar rnerkja trú rétta þá er oss leiðir inn til almennilegrar
kristni. Hurð fyrir dyrum merkir skynsama menn, þá er hraustlega standa á
móti villumönnum, og byrgja þá fyrir utan kristni guðs í kenningum sínum.
Gólfþili í kirkju merkir lítilláta menn, þá er sig lægja í allri virðingu og veita
því meira upphald öllum lýð sem þeir verða meir fyrir allra átroða. Setupallar
kirkjunnar merkja vorkunnláta menn þá er hægja meinum óstyrkra náunga í
vorkunnlæti sínu, svo sem pallar veita hægindi sitjöndum. Tveir kirkjuveggir
merkja tvennan lýð kominn til einnar kristni, annan af gyðingum en annan af
heiðnum þjóðum. Brjóstþili er samtengir báða veggi í einu húsi merkir
drottin vorn, er samtengir tvennan lýð í einni trú og er sjálfur brjóst og
hlífskjöldur kristni sinnar. A þessu brjóstþili eru dyr inn að ganga í kirkju
og gluggar þeir er lýsa kirkjuna, því að drottinn sjálfur lýsir alla þá er inn
ganga í trú hans. Brjóstþili það er á milli kirkju og sönghúss er merkir helgan
anda, því að svo sem vér göngum inn fyrir Krist í kristnina, svo göngum vér
og inn í himna dýrð fyrir miskunnar dýrð heilags anda. Og svo sem Kristur
samtengdi tvo veggi, það er tvennan lýð í einni trú, svo samtengir heilagur
andi þá hina sömu lýði í einni ást. Á þessu brjóstþili eru mikil dyr svo að
sjá má öll tíðindi í sönghús kirkju, því að hver er finnur miskunnar dyr heil-
ags anda má líta hugskotsaugum marga himneska hluti. Fjórir hornstafir
kirkju merkja fjögur guðspjöll, því að kenningar þeirra eru hinar sterkustu
stoðir allrar kristni. Ræfur kirkju merkir þá menn er hugskotsaugu sín hefja
upp frá öllum jarðlegum hlutum til himneskrar dýrðar og hlífa svo kristninni
í bænum við freistni, sem ræfur hlífir kirkju við regni. Langviðir í kirkju, það