Skírnir - 01.01.1974, Blaðsíða 249
SKÍRNIR
RITDÓMAR
243
með sér, að ekki hefur nóg verið að )m' gert að afla sér óyggjandi upplýsinga.
Iíefði þó oft nægt að fletta upp í handbókum, sem ekki ætti að vera ofverkið
neins, sem fæst við að setja saman eða skila gegnum prentsmiðju bók sem
þeirri, er hér um ræðir. Nærtækastar virðast þær skýringar á þessum óþörfu
og leiðu lýtum á bókinni, að höfundur hafi sjálfur verið vant við látinn,
þegar frá henni var gengið í prentsmiðju.
I stað þess að lengja mál mitt með þarflausum vangaveltum yfir þessum
hnökrum, leyfi ég mér að tilfæra nokkrar villur, sem ég hnaut um við lestur
bókarinnar. Má nærri geta, að ekki koma öll kurl til grafar, en fyrir aðra út-
gáfu ætti forlagið að láta fara hér vandlega í saumana.
— Á bls. 30 er nefndur Sveinn Guðmundsson Sande. Hér er þó án efa átt
við Svein GuSlaugsson Sander.
— Benedikt Gröndal Jónsson (yfirdómari) var ekki langafi Benedikts Grön-
dals Sveinbjarnarsonar, eins og segir á bls. 33, heldur afi hans.
— Magnús Stephensen dómstjóri var ekki fæddur 1772 eins og segir á bls.
33, heldur árið 1762.
— Þá fluttist Magnús dómstjóri ekki til Viðeyjar 1806 eins og segir á bls.
38, heldur 1813.
—■ íslenzk sagnablöð komu ekki út til 1836 eins og segir á bls. 39, heldur
til 1826.
—• Magnús Stephensen var ekki gerður út til rannsókna á neinum eldi 1789
eins og segir á bls. 48, heldur var það 1783 til þess að rannsaka Skaftárelda.
—• Þjóðólfur var ekki bannaður í febrúar 1859 eins og segir á bls. 76, heldur
var það 1850.
— Á bls. 102 er getið um Benedikt Sveinsson háyfirdómara. Benedikt var
annar yfirdómari 1859-1870, en varð aldrei háyfirdómari.
— Á bls. 132 segir: „Á skólaárum Björns Jónssonar í Reykjavík voru
helztu blöðin Þjóðólfur og IngólfurÞetta nær engri átt. Ingólfur kom út
1853-55, en Björn fæddist 1846. Síðasti árgangur íslendings mun hafa komið
út á latínuskólaárum Bjarnar, svo og Baldur, fyrsta blað Jóns Olafssonar, sem
kom út 1868-70.
— Eins og sagt er frá fyrri Ameríkudvöl Jóns Ólafssonar á bls. 151, er helzt
svo að skilja, að Jón hafi orðið þar ritstjóri á árunum 1873-75. Það stenzt þó
ekki. Hins vegar átti það síðar (á síðasta tug nítjándu aldar) fyrir Jóni að
liggja að vinna við blöð og jafnvel stýra þeim í Kanada og Bandaríkjunum.
— Sr. Sigurður Gunnarsson, síðast prestur á Hallormsstað, mun hafa fæðzt
1812, en ekki 1811 eins og segir á bls. 169.
— Á bls. 171 er þess getið, að Jón Sigurðsson hafi verið kvaddur árið
1878. Er þá ekki Ijóst hvað við er átt, því að Jón fór síðast af íslandi 1877,
en hann dó 1879.
— Sögur og kvæði, fyrsta bók Einars Benediktssonar, kom ekki út 1891
eins og segir á bls. 175, heldur árið 1897.
— Á bls. 181 er ruglað saman alnöfnunum Þorvaldi Jónssyni lækni á Isa-
firði og Þorvaldi Jónssyni presti á sama stað. Var það Þorvaldur prestur, sem