Hlín - 01.01.1951, Qupperneq 35

Hlín
33
Anna Magnúsdóttir
frá Þorfinnsstöðum.
Ritstjóri „Hlínar" hefur
farið þess á leit við mig, að
jeg skrifaði nokkur minn-
ingarorð í „Hlín“ um Önnu
Magnúsdóttur, og er mjer
bæði Ijúft og skylt að verða
við þeirri beiðni, svo góð og
náin kynni sem jeg hafði af
henni 13 síðustu árin, sem
hún lifði.
Anna Magnúsdóttir var
eyfirsk að ætt. Var hún fædd
að Flögu í Hörgárdal 16.
ágúst 1863. Ung misti hún föður sinn og nokkrum árum
seinna móður sína. Varð fljótt um hana og dó hún á jóla-
nóttina ,skömmu eftir að hún haft sett alt í lag fyrir há-
tíðina. Mintist Anna stundum á það, að það hefðu verið
þau dauflegustu jól, sem hún hefði lifað.
Litlu síðar fluttist hún með stjúpföður sínum, Jónatan
Jónatanssyni, vestur í Húnavatnssýslu, og var hún fyrstu
árin með honum í Þverárdal. Eftir fermingu rjeðist hún
að Geitaskarði í Langadal og var þar um nokkur ár.
Kyntist hún þar Þórði Guðmundssyni frá Móbergi og
giftist lionum um 1890. Varð sambúð þeirra ekki löng,
því áður en langt um leið kendi hann sjúkleika og varð
að fara í sjúkrahús norður á Akureyri. Lifði hann þar um
allmörg ár, en náði aldrei fullri heilsu. Voru þau hjónin
fyrst á Móbergi, uns hann varð að hverfa norður og átti
Anna þar heima einnig eftir það í nokkur ár. Var hún á
þeim árum oft um tíma í vinnu á Blönduósi hjá Pjetri
Sæmundsen, verslunarstjóra, og konu hans frú Magda-
3