Hlín - 01.01.1951, Page 154
152
HHn
vandað og stórt samkomuhús, sem við erum meðeigendur að,
höfum lagt í það fje og megum svo nota það eftir þörfum. —
Það er nú heldur lukka hjá okkur með það. — Síðastliðinn vet-
ur buðum við til okkar Kvenfjelagi Staðarsveitar og Eyja-
hrepps og höfðum veislu og gleðskap saman. Það byrjaði með
guðsþjónustu í kirkjunni og síðan kaffidrykkju í húsinu okkar,
söngur, upplestur, ræðuhöld og dans var til skemtunar. Allir
voru glaðir og ánægðir, þegar heim var farið. — í fjelaginu eru
nú 30 konur. — í sambandi við þetta fjelag hef jeg notið
margra ógleymanlegra ánægjustunda, og starfsemin í fjelaginu
hefur þroskað mig á marga lund.
Timinn flýgur áfram, áður en varir eru börnin fullorðin og
flogin úr hreiðrinu. Alt í einu þá situr maður eftir fullorðin og
hæruskotin og horfir á eftir hópnum. En Guði sje lof að alt
hefur gengið vel.
Erfiðlega gengur okkur að koma á námsskeiðum, það er svo
dýrt að maður ræður ekkert við það og ófáanlegir kennarar. Þó
höfum við hug á að koma upp námsskeiði í vetur og þá helst
í saumaskap, höfum góða saumakonu í hreppnum, sem er nú
líka í fjelaginu. Hún hefur vilja á að taka það að sjer, en er
heilsutæp, svo óvíst er hvort hún getur það.
Jeg er nú ein heima í dag og skrifa þessar línur. Fólkið er
til og frá, en kemur heim í kvöld. — I.
Frá Þingeyri við Dýraf jörð er skrifað:
Jeg veit það „Hlín“ min, að þjer er kært að frjetta um störf
þau, sem kvenfjelög þessa lands hafa til umræðna og fram-
kvæmda. — Mig langar að láta þig vita, að kvenfjelagið „Von“
hjer á Þingeyri hefur haldið s. 1. ár 2 námsskeið. Hið fyrra var
vefnaðarámsskeið, haldið í marsmánuði og var vel sótt. Kennari
var Vilborg Guðmundsdóttir frá Hjarðardal, námsmey frá Tó-
vinnuskólanum á Svalbarði. — Það var afar 'erfitt að koma á
vefnaðarnámsskeiðinu, samt urðu vefstólarnir 7, og mikið var
starfað. — Kennslukonan hnitmiðaði ekki tímann sem kennari,
því það kom fyrir að ofið var þar til kl. 2 að nóttu! — Sýning
var haldin að afloknu nómsskeiðinu. Þar var margt fallegt og
gagnlegt á að líta. En svona námsskeið eru dýr, enda styrkti
kvenfjelagið þetta námsskeið með 1000 kr.
Seinna námsskeiðið var hafið í nóvember (1950) og var
saumanámsskeið, er stóð í 4 vikur. — Nemar 18. — Tala saum-
aðra flíka voru 173. — Kennari var frú Hanna Proppé, sem er
búsett hjer á Þingeyri. — Styrk frá hjeraðssambandi nutu bæði
námsskeiðin.