Tímarit Máls og menningar - 01.11.1977, Side 17

Viðtal við William Heinesen
sér í káetunni og heyrði ölduna gjálfra við kinnunginn. Þannig fór hann
sem sagt að því að telja kindur.
Námsár
— Ég hef sagt talsvert rækilega frá barnaskólaárum mínum í einni af
endurminningasmásögum mínum. Hún heitir „Undir hásæti þrumuguðs-
ins“. Þrumuguðinn var vestjóski yfirkennarinn okkar. En annars var helsta
einkenni mitt á skólabekknum eftirtektarleysi. Ég gat ekki einbeitt mér til
að fylgjast með kennslunni og því uppskar ég slakan vitnisburð, og smám
saman varð ég meðal þeirra neðstu og var talinn næstum fáviti. En Jörgen-
Frantz hélt alltaf stöðu sinni, annar í röðinni.
Eigi að síður stendur Ijómi af skólaárum mínum í endurminningunni.
Og ég lærði þó nægilega mikið í ensku og þýsku til að geta seinna haldið
áfram á eigin spýtur.
Aldrei get ég þreyst á að lofa hinar ágætu ensku lestrarbækur Otto
Jespersen. Þær voru uppfullar af kímni og skáldskap. Meðal annars minnist
ég undurfagurra kvæða eftir Robert Louis Stevenson með ferskum náttúru-
lýsingum. — Þýsku námsbækurnar voru aftur á móti skelfilegar, smásög-
urnar allt að því for-nasistískar með allri sinni hernaðarrómantík og
ströngu innrætingu. „Das edle Blut“ hét ein sú versta. Ég fæ klígju við
tilhugsunina enn í dag.
Ég náði miðskólaprófi með svona sæmilegum vitnisburði. Jörgen-Frantz
var ætlað að fara í langskólanám og fór á Sorö Akademi, en ég fór á
Kaupmannaskólann í Kaupmannahöfn. Ég var aldrei sérstaklega hneigður
fyrir kaupmennsku og móður minni fannst líka að ég ætti að ganga á
teikniskóla, en faðir minn kom mér sem sagt inn í gamla Kaupmanna-
skólann í Fiolstræde. Þetta voru í raun og veru ekkert annað en svik —
en einnig þessi skóli er nú umvafinn birtu í endurminningunni. Þetta var
fjörlegur skóli, margir notalegir kennarar og dásamlegt útsýni niður yfir
Nörrevoldgade. Þar eignaðist ég líka félaga sem varð mér mikils virði.
Hann var málarasonur, bræður hans voru líka listamenn og á heimili
hans komst ég í nána snertingu við list og listaverk. Það var mikil og
ógleymanleg uppörvun. Við fórum líka í langar gönguferðir og rerum
báti um síkin og innsiglinguna til Kaupmannahafnar.
239