Uppeldi og menntun - 01.01.2001, Qupperneq 68

ÞROUN STARFA OG ÞORF FYRIR STARFSMENNTUN
Vinnutími
Meðalvinnutími í löndunum fjórum samtals var rúmar 43 klukkustundir á viku sem
er nokkuð sambærilegt við meðaltal vikulegra vinnustunda sem kom fram í íslensku
rannsókninni Færnikröfur starfa (44 klukkustundir). Lengd vikulegs vinnutíma var
engu að síður talsvert mismunandi frá einu landi til annars og höfðu franskir við-
mælendur stystan vinnutíma, eða 41 klukkustund á viku að meðaltali en íslenskir að
meðaltali lengstan eða 48 klukkustundir. Á íslandi unnu 48% viðmælenda 50 stund-
ir eða lengur á viku samanborið við 17-28% í hinum löndunum.
Menntun
Munur á menntun viðmælenda í löndunum fjórum vekur athygli. í Frakklandi höfðu
flestir viðmælenda sérhæfða menntun úr skóla, þ.e. háskólapróf eða starfsmenntun,
eða alls um 68% á móti 9-31% í hinum löndunum. f hinum löndunum þremur hafði
stærra hlutfall en í Frakklandi aðeins almenna menntun, svo sem stúdentspróf eða
eingöngu skyldunám. Almennt virtust viðmælendur á íslandi hafa styttri menntun
að baki en viðmælendur í hinum löndunum þremur. í könnun á 100 störfum á íslandi
kom í ljós að um 48% höfðu aðeins skyldunám að baki og 19% stúdentspróf. Því virð-
ast starfsmenn á íslandi í þeim 20 störfum sem hér voru valin til skoðunar hafa al-
mennt lengri menntun að baki en starfsmenn í hinum 80 störfunum.
Tafla 3
Menntun viðmælenda (almennir starfsmenn eingöngu)
Löndin fjögur % Frakkland % Grikkland % Ítalía % Island 20 störf % ísland 100 störf * %
Skyldunám 25 9 26 36 38 48
Starfsmenntun 18 31 13 5 18 22
Stúdentspróf 36 20 43 55 31 19
Háskólapróf 21 40 18 4 13 11
Samtals 100 100 100 100 100 100
2. Þróun starfa
Eitt af meginmarkmiðum þessarar rannsóknar var að skoða þróun starfa og bera
hana saman á milli landanna fjögurra. Viðmælendur, bæði í hópi starfsmanna og
yfirmanna, voru spurðir margs konar spurninga um breytingar á starfinu og þróun
þess, svo sem hvort starfið hefði orðið einfaldara eða flóknara síðan þeir hófu störf,
hvort álag í starfi hefði breyst og hvort aðrar breytingar hefðu orðið. Jafnframt var
spurt um óskir um símenntun og hvort starfsmenn hefðu lent í því að vinna eitthvað
sem þeir réðu illa við eða þætti mjög erfitt varðandi starfið. Loks voru yfirmenn
spurðir hvort þeir myndu auka kröfur um menntun og reynslu ef þeir þyrftu að ráða
starfsmann í viðkomandi starf nú og hvers konar símenntunarnámskeið þeir vildu
senda starfsmenn sína á ef þeir fengju til þess styrk.
66
* Úr niðurstöðum íslenskra rannsókna sem nefnd hefur verið Færnikröfur starfsmanna