Uppeldi og menntun - 01.01.2001, Qupperneq 74

ÞROUN STARFA OG ÞORF FYRIR STARFSMENNTUN
e) Mat á eigin færni og mikilvægi færnipátta
Viðmælendur voru í lok spurningalistans beðnir að meta færni sína í þeim þáttum
sem spurt hafði verið um og einnig að meta mikilvægi þessara færniþátta í starfi
sínu. I töflu 4 kemur fram hlutfall almennra starfsmanna sem sögðust vera vel eða
sæmilega í stakk búnir til að sinna þeim færniþáttum sem spurt var um. Svör yfir-
manna sem sögðu hið sama um undirmenn sína eru meðtalin.
Almennt má segja að viðmælendur hafi verið nokkuð ánægðir með eigin færni.
Yfirmenn og almennir starfsmenn voru mjög sammála um færni þeirra síðarnefndu
í þessum efnum, yfirmenn voru með öðrum orðum ekki vantrúaðri á færni almennra
starfsmanna en þeir sjálfir. Reyndar skáru franskir viðmælendur sig nokkuð úr með
því að vera gagnrýnni á sjálfa sig og undirmenn sína en aðrir.
Tafla 4
Samanlagt mat almennra starfsmanna á eigin færni og yfirmanna á færni
almennra starfsmanna
Töldu sig/þá vel eða sæmilega í stakk búna
Löndin fjögur Frakkland Grikkland Ítalía Island
% % % % %
Lestur 98 92 100 100 99
Reikningur 95 84 99 99 97
Ritun 96 89 98 100 96
Erlend tungumál 70 49 74 68 90
Tjáning 94 78 99 100 97
Samskipti 94 76 100 99 99
Samvinna 92 68 100 99 99
Ákvarðanataka 91 67 99 99 97
Frumkvæði 92 71 99 99 97
Skipulagning 93 77 99 99 95
Meðferð gagna og upplýsinga 68 60 58 66 89
Þegar svörum við þessari spurningu var skipt eftir starfaflokkunum þremur
kom í Ijós að viðmælendur í framleiðslu- og iðnaðarstörfum töldu sig verr í stakk
búna í notkun erlendra tungumála og meðferð gagna og upplýsinga en starfsmenn
í hinum flokkunum tveimur.
Einnig var spurt um mikilvægi þessara sömu færniþátta í viðkomandi starfi. í
töflu 5 má sjá niðurstöður úr þeirri spurningu, þ.e. hlutfall þeirra sem sögðu við-
komandi færniþátt vera mjög eða nokkuð mikilvægan.
72