Uppeldi og menntun - 01.01.2001, Side 75

GERÐUR G. ÓSKARSDÓTTIR o.fl.
Tafla 5
Mat starfsmanna og yfirmanna á mikilvægi færniþátta í viðkomandi
starfi
Færniþættir mjög eða nokkuð mikilvægir að mati viðmælenda
Löndin fjögur Frakkland Grikkland Ítalía ísland
% % % % %
Lestur 88 88 94 91 79
Reikningur 83 77 95 87 72
Ritun 88 86 97 94 76
Erlend tungumál 70 51 86 70 73
Tjáning 98 95 100 98 97
Samskipti 96 94 100 91 98
Samvinna 99 97 100 100 99
Akvarðanataka 95 91 99 98 92
Frumkvæði 96 93 100 98 93
Skipulagning 98 98 100 98 94
Meðferð gagna og upplýsinga 77 78 79 74 78
Þegar á heildina er litið er í fyrsta lagi athyglisvert að sjá að viðmælendur telja
alla þessa færniþætti mikilvæga í starfi sínu. I öðru lagi er notkun erlendra tungu-
mála sá færniþáttur sem helst sker sig úr, sérstaklega í Frakklandi, en einungis um
helmingur franskra viðmælenda telja þetta vera mikilvægan færniþátt á móti 70-84%
viðmælenda í hinum löndunum. Athyglisvert er að aðeins 39% ítalskra starfsmanna
sögðust nota erlent mál í vinnunni, en 70% töldu færni í erlendu tungumáli mjög eða
nokkuð mikilvæga í starfi. f þriðja lagi er greinilegt hve tjáning, samskipti og sam-
vinna eru mikilvægir þættir í öllum löndunum fjórum að mati viðmælenda.
Ef litið er til starfaflokkanna þriggja var það helst notkun erlendra tungumála í
vinnunni sem var ólík. Viðmælendur í þjónustustörfum töldu í 84% tilvika að erlend
tungumál væru mjög eða nokkuð mikilvæg í starfi og 71 % viðmælenda í verslunar-
og viðskiptastörfum. Hlutfall viðmælenda í framleiðslu- og iðnaðarstörfum sem var
á sama máli var hins vegar einungis 32%.
Samantekt um niðurstöður um almenna starfsfærniþætti
Sú tilgáta var sett fram að öll störf gerðu að einhverju marki kröfur um færni í þeim
fjórum flokkum færniþátta sem fjallað hefur verið um hér að framan. Tilgátan var
studd hvað varðaði grundvallarfærni í lestri, ritun, reikningi og erlendum tungu-
málum, en í öllum störfunum reyndi á þessa færniþætti að einhverju marki. Sama
má í raun segja um færni í samskiptum og samvinnu þar sem mjög mikill meirihluti
starfsmanna sagði að á þessa færniþætti reyndi oft eða stundum í starfi. Aftur á móti
er ekki unnt að segja að tilgátan hafi verið studd hvað varðaði hugmyndaauðgi,
frumkvæði og skipulagningu og færni í meðferð gagna og upplýsinga. í þeim störf-
um sem hér voru til skoðunar virtist reyna lítið á þessa færniþætti, en tekið skal fram
að suma þeirra er erfitt að mæla.
73