Uppeldi og menntun - 01.01.2001, Qupperneq 113

ROBERT BERMAN o.fl.
Seinna gagnasafn
Samkvæmt nemendaskrá framhaldsskólanna voru 2028 nemendur að ljúka stúd-
entsprófi á bóknámsbrautum (fjórða ári / 7- 8. önn). Af framangreindum fjölda tóku
1539 nemendur þátt í rannsókninni eða um 76% af heildarfjölda þeirra. Af þessum
fjölda voru um 41% piltar og 59% stúlkur. í 11 skólum af 24 tóku yfir 80% nemend-
-anna þátt í rannsókninni, 70%-79% þátttaka var í fimm skólum, 60%-69% í fimm
skólum og 53%-59% í þremur skólum.
I seinna gagnasafninu var aldur yngsta þátttakanda 17 ár og 2 mánuðir en þess
elsta 43 ár og 3 mánuðir (M = 20 ár og 1 mánuður; sf = 1 ár og 10 mánuðir; miðgildi
= 19 ár og 7 mánuðir).
Mælitæki
Samræmt enskupróf í framhaldsskóla
Við samningu enskuprófsins var gerð prófáætlun um uppbyggingu þess, fjölda
námsþátta, vægi námsþátta í heildareinkunn, tegundir prófspurninga, hvað átti að
meta með hverri prófspurningu og svo framvegis. Þá voru spurningar samdar og
þær forprófaðar á nemendum á fyrsta og öðru námsári í framhaldsskóla vorið 1996.
Val spurninga og verkefna í fyrsta uppkast prófsins var gert á grundvelli forprófun-
arinnar. Islenskir og erlendir sérfræðingar í ensku og próffræði voru síðan beðnir um
að gera athugasemdir við fyrstu drög af prófinu. Prófinu var síðan breytt í ljósi at-
hugasemda þeirra.
1. tafla. Uppbygging á samræmdu enskuprófi í framhaldsskólum.
Námsþættir Fjöldi atriða Stig
I Hlustun
Hlustun A (fyrirlestur) 11 11
Hlustun B (samtal) 10 10
Samtals 21 21
II Lesskilningur
Lesskilningur A (Tæknilegt efni) 9 9
Lesskilningur B (Efni úr dagblaði) 11 11
Lesskilningur C (Fræðilegt efni) 10 10
Orðskilningur 14 7
Samtals 44 37
III Ritun
Ritun A (Flóknar setningar) 3 9
Ritun B (SendibréO 1 20
Málfræði 14 7
Stafsetning 12 6
Samtals 30 42
111