Skírnir - 01.01.1886, Síða 51

FRAKKLAND.
53
annan eins vonarpening og löndin á austurjaðri Asiu*). Vjer
getum þess hjer, að útsvar ríkisins var eptir áætluninni fyrir
1885 ekki langt íjarri 4 millíörðum, og að það er kostnaðar-
atriðið, sem jafnast relcur ráðherrana í vörður, þegar þeir eiga
að svara aðfinningunum á þinginu. Ráðaneytinu verður líka
að veita því þyngra að verja nýlendupólitíkina, því íleiri sem
að stjórninni komast úr liði hinna ákafari vinstra megin. Að
minnsta kosti verða þeir að gefa út færið, þegar vinir þeirra
taka ringi, og sjá svo hvort þeir verða ekki auðdrægari í
næsta skipti. Brisson, sem tók við af Jules Ferry, var vinstri
mönnum nokkuð eptirlátari, og átti opt í vök að verjast þegar
þras reis út af Tonkin og Anam, eða hernaði Frakka á Mada-
gaskar. Auk Jules Ferry varð Freycinet ráðh. utanrikismálanna,
þeim opt að bezta liði, því hann er leikinn í að sigla milli
skers og báru, og þarf hann jafnan á þeirri íþrótt nú að halda,
því hann er nú formaður ráðaneytisins. Eins og Brisson hefir
hann orðið að heita þinginu, að láta staðar nema með landvinn-
ingar og nýlenduveiðar, en það hefir samþykkt, að halda í
það, sem aflað er, og veita þar til svo mikið, sem ekki má
hjá komast í sölurnar að leggja. Mörgum þótti það votta,
hve litlu taumhaldi Fraklcar hefðu náð til þessa á fólkinu þar
eystra, er þeir náðu ekki að aptra heiðingjum í Kokinkina frá
grimmum ofsóknum við kristna menn, og þá sjerílagi hina þar-
lendu, sem kristna trú höfðu tekið. Að minnsta kosti kom
lið þeirra langt um of seint til að stöðva blóðsúthellingarnar. þau
tiðindi urðu að mestu leyti i nóvembermánuði, og sagt að eitt-
hvað um 8000 manna hafi lífið látið. Nú hefir alstaðar skipazt
nokkuð til betri vegar þar eystra, og Frakkar treysta þvi, að
Anamsmenn og Tonkinbúar sættist smám saman við kjör sin,
og láti hagsmunina þýða sig við nýjungarnar og stjórnar-
hætti siðaðra þjóða. Stjórnin hefir sett Paul Bert, nafnkenndan
visindamann (náttúrufræðing) og vin Gambettu heitins (fyrir
*) Löndin eru þó mjög auðug af öllum gæðum, málmum og kolum, og
eru sú mesta nýienda, sem Frakkland hefir eignazt, eða, að því talið
er, 440,000 kílómetra að ferhyrningsmáli, með 20 millíónum íbúa.