Skírnir - 01.01.1886, Síða 143

AMERÍKa.
145
og n. borgum — verður næsti «Skírnir» að segja, en þess
skal hjer að eins getið, að forsprakkarnir voru aðkomnir menn,
sósíalistar frá Evrópu, einkum frá þýzkalandi og Póllandi, og
fólkið til þeirra úrræða eggjað i blöðum þeirra. En á hitt
skal hjer minnast, sem með nýnæmistiðindum má telja og góðu
þykir gegna, að verknaðar og iðnaðarmenn Bandarikjanna tóku i
fyrra sumar að stofna með sjer nýjan fjelagsskap, en tilgang-
urinn er að komast hjá því böli og ófarnaði, sem verkaföllum
fylgir, og því vilja þeir vísa frá sjer öllum æsinga og byltinga-
mönnum, en leita samkomulags og leggja öll mál í gerðir,
þegar til ágreinings dregur með verkmönnum og vinnuveit-
endum. J>eir kallast «Knights of Labour (riddarar vinnunnar)»,
og hafa fjelög þeirra færzt þegar út um öll Bandaríkin. þeir
tóku engan þátt i þeim atburðum, sem seinast urðu, en vöruðu
bræðúr sina við öllum ólagatiltektum og óhæfum.
þess er getið i «Skírni» 1883, að nýmæli voru staðfest af
forseta Bandaríkjanna til að hamla aðsókn og bólfestu Sin-
lendinga. þetta heflr þó ekki svo stoðað sem til var ætlazt,
og menn telja, að eitthvað um 18,000 hafi jaumaZt þangað til
vista. þeir hafa enn sem fyr orðið að þola mikið harðhnjask
og illar búsifjar af hálfu þarlendra manna, einkum í San
Fransisco, og það gaf tilefni til, að stjórnin i Washington fjekk
brjef frá Peking, þar sem stjórn keisarans kærði þann óskunda,
beiddist bóta Sínlendingum til handa og krafðist, að þeitn yrði
sömu vistakosta unnt sem þegnum annara «siðaðra» rikja.
Vjer vitum ekki, hver svörin hafa verið, en ef oss minnir rjett,
hefir þingið i Washington samþykkt framlögur til skaðabótanna.
það er sagt, að svarta fólkið i Ameríku fjölgi meir að
tiltölu enn hið hvita, og er um það stundum áhyggjulega tal-
að Svertingjar hafa fengið sömu þegnrjettindi, en allan þorr-
ann vantar enn menntun, og eru þeir í flestu eptirbátar. Menn
hugga sig við, að þetta lagist með timanum. 1 suðurrikjunum
ganga nú 1 millíón svertingjabarna til skólanáms í alþýðu-
skólum, og í æðri skólum eru 19,000 að námi. 1 Washington
var fyrir striðið einn skóli fyrir þau börn, nú eru þar í skóla
10,000. Allt um það spyrja menn opt þar vestra, hvar lendi,
10