Skírnir - 17.06.1911, Page 5
Frá uppvexti Jóns Sigurðssonar
og fyrstu afskiftum hans af landsmálum.
Heilan mannsaldur var Jón Sigurðsson oddviti vor
Islendinga í öllum eða allflestum málum, sem horfðu til
framsóknar vorrar og þjóðþrifa, svo það má með sann-
indum segja, að æfisaga hans um þetta árabil sé því sem
næst saga lands vors og þjóðar. Mun því mega gera ráð
fyrir, að þessi starfsár hans séu nokkurn veginn kunn
flestum Islendingum, sem komnir eru til vits og ára.
Hins vegar munu flestir kunna lítt deili á æsku hans og
námsárum og fyrstu afskiftum hans af þjóðmálum vorum.
Með línum þessum skal nú gerð tilraun til að fylla það
skarð, og einkum leitast við að skýra nánara frá undir-
búningi hans undir hið mikla æfistarf sitt, og viljum vér
biðja menn að taka viljann fyrir verkið.
Jón Sigurðsson er fæddur 17. dag júnímánaðar 1811
á Rafnseyri við Arnarfjörð, hinu forna höfuðbóli
höfðingjans góðkunna Rafns Sveinbjarnarsonar. Foreldrar
Jóns voru Sigurður prófastur á Rafnseyri Jónsson, prests
á Rafnseyri Sigurðssonar, sem í beinan karllegg1) var
kominn af Gísla biskupi Jónssyni í Skálholti (d. 1587), og
Þórdís Jónsdóttir prófasts Ásgeirssonar í Holti í önundar-
') .Jón Espólín (Árb. YII, 31) og eftir honum Jón Pétnrsson
(Tímar. III, 31.—32. bls.) og Jón Sigurðsson sjálfur telja karllegginn
til Torfa í Klofa, en fvrir því eru, að því er Hannes Þorsteinsson
alþingisforseti og Jókann Kristjánsson ættfræðingur iiafa tjáð mér, engar
heimildir, enda hefir og Steingrímur biskup Jónsson rakið ætt þessa til
Gisla biskups Jónssonar.