Skírnir - 17.06.1911, Síða 8

104
Frá uppvexti Jóns Sigurðssonar.
Fór hann þá suður í Reykjavík og var útskrifaðar af
Gunnlaugi dómkirkjupresti Oddssyni. Næsta ár var hann
við verzlun í Reykjavík hjá Einari stúdent Jónssyni föð-
urbróður sínum, sem var verzlunarstjóri við Knudtzons
verzlun. Þar gafst Jóni færi á að sjá með eigin augum,
hve harðdræg og einokunarkend íslenzka verzlunin var
þá, og sennilega hefir hann þá fengið þann ímugust á
henni, sem bryddir allmikið á í greinum hans um verzl-
un Islendinga í dönskum blöðum, verzlunarritgjörðum
hans í Nýjum Félagsritum og í bréfum hans.
Þegar árið var liðið réðst Jón sem skrifari að Laugar-
nesi til Steingríms biskups Jónssonar og gegndi þeim
starfa næstu þrjú ár. Fanst biskupi mikið til um fljót-
virkni hans og vandvirkni og lét þess síðar getið við
Pál sagnfræðing Melsteð, að heldur kysi hann Jón einn
á skrifstofu, en aðra tvo. Jón raðaði þar öllu bókasafni
biskups og skjölum og bókum biskupsstólsins. Einnig
gafst honum þar kostur á að lesa og afrita gömul skjöl
og handrit, og kom honum það síðar í góðar þarfir. Er
óhætt að fullyrða, að kynnin af söfnum þessum, er voru
eftir því sem hér gerðist þá einkar auðug að ritum og
skjölum lútandi að íslenzkri sögu og ættfræði, hafl glætt
mjög áhuga Jóns á íslenzkum fræðum. Af ýmsum út-
dráttum í handritasafni hans og fornbréfasafninu má og
sjá, að hann hefir verið gagnkunnugur biskupsskjala-
safninu.
Sumarið 1833 var Jón nokkrar vikur hjá Sveinbirni
Egilssyni á Bessastöðum til þess að taka sér fram í grísku;
tókst þá kunningsskapur með þeim, sem hélst síðan alla
tíð meðan Sveinbjörn lifði. Hafa þeir skifst á fjölmörg-
um bréfum um íslenzk fræði og handrit, en bréf Jóns til
Sveinbjarnar munu flest vera glötuð. Auk þess heflr Jón
tekið á fyrstu stúdentsárum sínum afskriftir af íslenzkum
handritum í Kaupmannahöfn fyrir Sveinbjörn eða borið
afskriftir Sveinbjarnar saman við frumritin.
Að áliðnu sumri 1833 sigldi Jón með kaupskipi frá
Flensborg til þess að stunda málfræði við háskólann í