Skírnir - 17.06.1911, Side 31

Frá uppvexti Jóns Sigurðssonar.
127i
nægðu ofangreinduin skilyrðum svo og þeir sem lokið
hefði embættisprófi við háskólann í lögfræði, guðfræði og
læknisfræði og þeir er tekið hefði próf í dönskum lögum,
þótt ekki væri þeir jarðeigendur. Nefndarmönnum þótti
viðsjárvert að prestar fengi kjörgengi nema þeir væt i
jarðeigendur eða háskólakandídatar. Meiri hluti nefndar-
innar vildi hafa þingið í Reykjavík. Kostnað þann er
leiddi af kosningum skyldi greiða úr jafnaðarsjóðum amt-
anna, en alþingiskostnaðinn úr jarðabókarsjóðnum1).
Nú hafa verið tekin fram helztu meginatriði frum-
varps þessa, og mun enginn geta fundið þvi til foráttu,
að það færi of langt eða veitti landsmönnum of mikið
frelsi. Aftur á móti gazt lögstjórnarráðinu vel að því og
einkum þótti því það vel ráðið, að nefndin hafði sem
mest mátti verða sniðið það eftir tilskipuninni um dönsku
þingin. Þótti lögstjórnarráðinu það samið af þekking og
hafa »á sér góðan hlæ«, enda þótt ákjósanlegt
hefði verið, að við samning frumvarps
ins hefði í einstökum greinum íslenzkum
staðliáttum verið gefinn meiri gaumur2).
Stjórnarráðið og konungur gerðu því að eins nokkrar
lítils háttar breytingar á frumvarpinu og að þvi búnu
var það að boði konungs lagt fyrir fulltrúaþingið í
Hróarskeldu sumarið 1842.
Hins vegar þótti Jóni Sigurðssyni og flestum Islend-
ingum í Höfn frumvarpið óaðgengilegt í mörgum greinum
og vildu fá því breytt. Er sú barátta hans í alla staði
svo einkennileg og merkileg, að hennar verður öðru
fremur að geta, þegar skýrt er frá fyrstu afskiftum hans
af landsmálum.
í fyrsta árgangi »Nýrra Félagsrita« hafði Jón Sig-
urðsson skrifað ritgjörð »Um alþing á Islandi«. Með rit-
g'jörð þessari vildi höf. fyrst og fremst vekja áhuga
Ú Tíðindi frá nefndarfunduxn ísl. embættismanna 1841, 9.—41. bls.
og Fréttir frá fulltrúaþingi í Hróarskeldu 1842, 62.—87. bls.
2) Lovsamling for Island XII, 458, en gleiðletrað af höf.