Skírnir - 17.06.1911, Page 83

Vísindastörf Jóns Sigurðssonar.
17»
að safna bókum o g handritum, og líktist í því
Arna Magnússyni. Hann var ákaflega bókfróður maður
og vissi deili á öllu því, sem prentað var á Islandi og
um Island. Safn hans af prentuðum íslenskum bókum er
eitt hið mesta sem verið hefir. Hann grenslaðist mjög
eftir og hafði menn víða um land til þess að grenslast
eftir fornum og sjaldgæfum bókum eða bókaútgáfum. Og
hafði það góðan árangur. Jón var vinsæll maður og
greiðvikinn sjálfur og vildi hver maður, sem gat, hjálpa
honum. Hann kom heim til manna, þegar hann var
heima á Islandi, þar sem hann átti einhverja von bóka
til þess að fá að sjá þær. Ekki var víst öllum um það
gefið sem sjálfir voru safnarar. Eg man eftir því, að Jón
kom heim til föður míns, sem hann hafði fengið margt
hjá, prentað og óprentað; en faðir minn tók þá stundum
undan og faldi það sem honum var sárast um og vildi
ekki verða af í bráðina; hann vissi, að sæi Jón það og
óskaði að eignast það, gæti hann ekki neitað honum um
það. Hins vegar hefir Jón aldrei horft í skildinginn, ef
borgun var heimtuð. Hann átti og allmikið handritasafn,
og honum var það mest að þakka, að Bókmentafélagið
eignaðist smámsaman hið dýrmæta handritasafn sitt, sem
nú er eign Landsbókasafnsins. Jón kunni, eins og Arni,
að meta alt, hvað lítið sem var, og hann var, eins og
hann, allra manna glöggvastur á rithendur og aldur hand-
rita. Það eru þeir Árni og Jón sem mest og réttast hafa
kunnað að ákveða aldur fornra íslenskra handrita. Og
frá þeim stafa þau aldursákvæði, er vér nú að jafnaði
fylgjum. Guðbrandur Vigfússon hafði, að minsta kosti á
sínum síðari árum, að ýmsu leyti aðrar skoðanir, og vildi
gera sum handrit eldri en aðrir. En hann hefir þar vafa-
laust rangt fyrir sér. Handritalýsingar Jóns, bæði þær
sem eru í aðalskrá þeirri, er áður var getið, og þær er
smám saman voru prentaðar í Antiquarisk Tidsskrift, eru
mjög fullkomnar og réttar.
Þó að Jón væri málfræðingur að upphafi og upplagi,
liggur þó eiginlega ekkert eftir hann er snertir málfræði
12*