Skírnir - 17.06.1911, Síða 143

Jón Sigurðsson og Bókmentafjelagið.
289
hafði safnað til Íslandslísingarinnar1). Finnur Magnússon
tók sjer þetta fjarska nærri, og ætlar Jón Sigurðsson, að
það hafl haft ill áhrif á heilsu hans, sem þá var farin að
bila2). Hann andaðist sama ár á aðfangadag jóla, og var
þá Brynjólfur Pjetursson kosinn forseti Hafnardeildar t
hans stað.
Loks skal jeg geta þess, að Jón Sigurðsson var einn
í þeirri fimm manna nefnd, sem sá um útgáfu Kvæða Bjarna
Thórarensens, sem fjelagið gaf út árið 1847. Nefndin var
kosin veturinn áður, og vóru i henni auk Jóns þeir Brynj-
ólfur Pjetursson, Konráð Gíslason, Gísli Gíslason og Gísli
Thórarensen (sjá formála Kvæðanna).
Vjer höfum þá sjeð, að Jón Sigurðsson hefur tekið
ástfóstri við Bókmentafjelagið þegar á þessum flrstu árum,
sem hann var í því, reint að efla það með Ollu móti og
starfað flrir það. Þau atriði, sem vjer höfum bent á, gefa
þó að líkindum mjög ófullkomna hugmind um starf hans
flrir fjelagið, því að eflaust hefur hann sem skrifari verið
önnur hönd forsetanna, Finns Magnússonar og Brynjólfs.
Pjeturssonar, einkum eftir það að heilsu þeirra hnignaði.
Jón var þá í blóma lifsins, ötull og ótrauður, og taldi ekki
eftir sjer að gera það, sem gera þurfti.
Alt þetta er þó að eins vísir til enn þá öflugri fram-
kvæmda flrir fjelagið, sem birja, þegar hann er kosinn
forseti Hafnardeildar í stað Brynjólfs Pjeturssonar á fundi
31. maí 1851. Brynjólfur var þá orðinn hniginn að heilsu,
og munu deildarmenn ekki hafa treist honum áfram til
forstöðunnar. Jón var fjarverandi þegar þetta gerðist,
hafði farið 15. maí heim til íslands til að sitja á Þjóðfund-
inum, og mun honum hafa verið kosningin óljúf sakir
vináttu við Brynjólf, því að hami tók sjer nærri að láta
*) Skirnir 1848, Skírslur og reikn. 4. og 8.—18. bls. Þar er ná,-
kvæm skirsla um brunann og tjVm það, sem af honum klaust. Minn-
ingarrit Bmf. 47. lils. Um fleira, sem þar brann og aðrir áttu, sjá Brjef
JS., útg. 133. bl8.
2) Sjá Brjef JS. s. st.