Eimreiðin - 01.10.1930, Blaðsíða 18

322
HOLDSVEIKI NÚTÍMANS
CIMREIÐIN
að í Grænlandi, þar sem lekandi er afar úlbreiddur, er syfilis
nálega óþekt veiki, og er þó ekki að efa, að veikin hefur
ósjaldan borist þangað.
Fáir aðrir en læknar, sem við þessa sjúkdóma hafa fengist,
renna grun í, hvílíkri feikna útbreiðslu syfilis hefur náð, sér-
staklega í miljónaborgum stórþjóðanna, þessum illkynjuðu æxl-
um mannkynsins, þar sem hverskonar lestir, óheilnæmi, ör-
birgð og sjúkdómar dafna og finna sér frjóvan og góðan
jarðveg.
Hugmynd um útbreiðslu veikinnar í Evrópu gefa eftirfar-
andi tölur.
Úr syfilis og af völdum hennar deyja nú árlega í þessum
löndum:
Englandi........ 60.000 menn
Frakklandi .... 140.000 —
Þýzkalandi .... 150.000 —
Belgíu............. 15.000 —
Talið er, að í Englandi sýkist árlega meir en 150.000 af
syfilis. í Belgíu eru 400.000 manns með sjúkdóminn og í
Frakklandi ekki minna en 10°/o allra íbúanna. Þar er talið,
að 40°/o af öllum þeim sjúklingum, sem á sjúkrahúsum liggja,
séu þar beint og óbeint af völdum syfilis.
Árin 1920—25 sýktust í Þýzkalandi af kynsjúkdómum ár-
lega um V2 miljón, þar af hér um bil V3 hlutinn af syfilis.
Tölur þessar styðjast allar við hagskýrslur þessara landa og
eru að nokkru teknar úr ágætu erindi eftir próf. Hoffmann
í Bonn: „Wie katin die Menschheit von der Geissel der Syfihs
befreit iverden?“ Er próf. Hoffmann einn hinn ötulasti bar-
áttumaður gegn þessum sjúkdómum og hefur unnið þjóð sinni
ómetanlegt gagn með starfi sínu.
Fyrst þegar þessi holdsveiki nútímans fór að stinga sér
niður í Evrópu, sem af flestum er talið að vera skömmu eftir
Kolumbusarferðirnar til Ameríku, hófst fyrir alvöru barátta
læknavísindanna gegn þessum sjúkdómi. Það mun óhætt að
fullyrða, að um engan einstakan sjúkdóm hafi verið skrifað
jafnmikið og syfilis. Á fáum sviðum hefur mannsandinn beift
jrfnmiklum átökum og við rannsóknir þessa sjúkdóms, enda